જો તમને નાની બચતો કરવાની ટેવ છે તો મ્યુચ્યુઅલ ફંડ SIP એ શ્રેષ્ઠ રોકાણ વિકલ્પ છે. અમે તમને જણાવી દઇએ કે તેમાં કરેલી નાની-નાની બચતો આવનારા વર્ષોમાં તમને લાખોના માલિક બનાવી શકે છે. શું તમે પણ લાંબા ગાળે ખૂબ વળતર મેળવવા ઇચ્છો છો? તો હમણાં જ જાણો
જો તમે દરરોજ 10 રૂપિયાની બચત કરો છો અને દર મહિને મ્યુચ્યુઅલ ફંડ SIPમાં રોકાણ કરવાનો વિકલ્પ પસંદ કરો છો, તો તમે આગામી 30 વર્ષમાં રૂ. 10 લાખથી વધુનું ભંડોળ બનાવી શકો છો. મ્યુચ્યુઅલ ફંડની આવી ઘણી યોજનાઓ છે, જેણે લાંબા ગાળામાં સરેરાશ 12 ટકા વળતર આપ્યું છે. તેથી જ તો કહી શકાય કે તમે આવનારા થોડા વર્ષોમાં સરળતાથી લાખો રૂપિયાનું ભંડોળ બનાવી શકો છો.
SIP કેલ્ક્યુલેટર: રોજ 10 રૂપિયાની બચત કરવાની શક્તિ
ધારો કે તમે દરરોજ 10 રૂપિયાની બચત કરો છો, તો તમારી બચત દર મહિને 300 રૂપિયા થઈ જશે. જો તમે દર મહિને રૂ. 300ની SIP કરો છો અને 12 ટકા વાર્ષિક વળતર મેળવો છો, તો તમે આગામી 30 વર્ષમાં રૂ. 10 લાખ (રૂ. 10,58,974)નું ભંડોળ બનાવી શકો છો. આમાં તમારું રોકાણ લગભગ 1.1 લાખ રૂપિયા અને સંપત્તિમાં 9.5 લાખ રૂપિયાની વૃદ્ધિ થશે.
20 વર્ષમાં કેટલું ફંડ બનશે
જો તમે દર મહિને રૂ. 300ની SIP કરો છો અને 12 ટકા વાર્ષિક વળતર મેળવો છો, તો તમે આગામી 20 વર્ષમાં રૂ. 3 લાખ (રૂ. 2,99,744)નું ભંડોળ બનાવી શકો છો. આમાં તમારું રોકાણ લગભગ રૂ. 72,000 હશે અને રૂ. 2.3 લાખની સંપત્તિમાં વધારો થશે.
SIP રૂ.100 થી શરૂ થઈ શકે છે
BPN Fincap ના ડાયરેક્ટર એ.કે.નિગમ કહે છે કે SIP એ રોકાણની સિસ્ટમેટિક પદ્ધતિ છે. આવા ઘણા ફંડ્સ છે જે લાંબા ગાળા માટે સરેરાશ વાર્ષિક SIP વળતર 12 ટકા ધરાવે છે. SIPની વિશેષતા એ છે કે તમે દર મહિને માત્ર 100 રૂપિયાથી રોકાણ શરૂ કરી શકો છો. આના દ્વારા, તમે રોકાણની આદત, જોખમ અને તેના પર વળતરનું મૂલ્યાંકન સરળતાથી જાણી અને સમજી શકો છો.
AMFIના ચીફ એક્ઝિક્યુટિવ એનએસ વેંકટેશનના નિવેદન અનુસાર, રિટેલ મ્યુચ્યુઅલ ફંડ રોકાણકારોને ભારતની વૃદ્ધિની સ્ટોરીમાં સંપૂર્ણ વિશ્વાસ છે. માસિક SIP ના પ્રવાહને જોઈને તેનો અંદાજ લગાવી શકાય છે. ચાલુ નાણાકીય વર્ષમાં 9.2 ટકા વૃદ્ધિની અપેક્ષા છે. ભારતીય અર્થતંત્ર ફેડ રેટમાં વધારો અથવા FPI સેલ-ઓફ જેવા બાહ્ય કારણોને લીધે આવતી અનિશ્ચિતતામાંથી બહાર આવી ગયું છે.
