ડુંગળીમાં સુધારો યથાવત, કપાસમાં બે દિવસમાં મણે 100 રૂપિયા ઘટ્યા,12/01/2022 ના બજાર ભાવ

 કપાસના ભાવ જે રીતે વધતાં હતા તેનાથી બમણી ગતિએ છેલ્લા બે દિવસથી સડસડાટ ઘટી રહ્યા છે. સૌરાષ્ટ્રમાં છેલ્લા બે દિવસમાં કપાસમાં મણે રૂા.૧૦૦નો કડાકો બોલી ગયો છે. સૌરાષ્ટ્રના કપાસના અગ્રણી બ્રોકરે જણાવ્યું હતું કે કપાસના ભાવ જે ગતિએ વધતાં હતા તે ગતિએ રૂના ભાવ વધ્યા નહોતા આથી જીનર્સોની ડિસ્પેરિટિ એકદમ વધી ગઇ હતી જેને કારણે જીનર્સોને કપાસ ખરીદવો કોઇ રીતે પોસાય તેમ નહોતો. હવે રૂ અને કપાસિયાના ભાવ ઘટી જતાં જીનર્સોની ડિસ્પેરિટિ મોટા પ્રમાણમાં વધી જતાં છેલ્લા બે દિવસથી જીનર્સોએ ઊંચા ભાવે કપાસ ખરીદવાનો બંધ કરી દીધો છે. 

મંગળવારે સૌરાષ્ટ્રમાં જીનપહોંચ એકદમ સારી કવોલીટીના કપાસના રૂા.૧૯૨૫ થી ૧૯૫૦ના ભાવ બોલાતા હતા જે ગયા અઠવાડિયા ઊંચામાં રૂા.૨૦૫૦ હતા. વળી અગાઉ ૩૭ થી ૩૮ના ઉતારાના જે કપાસ આવતાં હતા પણ હવે બહુઓછા થઇ ચૂક્યા છે. હાલ મોટાભાગના લોકલ કપાસમાં ૩૫ થી ૩૬ના ઉતારા અને મહારાષ્ટ્રના કપાસમાં ૩૩ થી ૩૪ના ઉતારા મળે છે. મહારાષ્ટ્રના સારા કપાસના ઘટીને રૂા.૧૮૨૫ થી ૧૮૩૦ બોલાતા હતા કારણ કે વરસાદને કારણે મહારાષ્ટ્રના કપાસમાં મણે દોઢ થી બે કિલો હવા જોવા મળે છે. કડીમાં કપાસના ભાવ મણે રૂા.૨૦ થી ૨૫ મંગળવારે ઘટયા હતા. કડીના અગ્રણી બ્રોકરે જણાવ્યું હતું કે કોઇ જીન ઊંચા ભાવે કપાસ લેવા તૈયાર નથી આથી ભાવ ઘટી રહ્યા છે. મહારાષ્ટ્રની ૧૦૦ ગાડી અને કાઠિયાવાડની ૨૫ ગાડીની આવક હતી. મહારાષ્ટ્રના કપાસના ઊંચામાં રૂા.૧૮૮૦ અને કાઠિયાવાડના કપાસના રૂા.૧૯૭૦-૧૯૮૦ બોલાતા હતા.

ડુંગળીમાં સુધારાની ચાલ યથાવત છે. ડુંગળીની આવકો ગઈકાલની તુલનાએ આજે ઘટી હતી, પંરતુ ભાવમાં મણે રૂ.૧૦થી ૧૫નો વધારો જોવા મળ્યો હતો. ડુંગળીની બજારમાં બગાડનાં સમાચારને પગલે ભાવ હજી થોડા વધે તેવી ધારણાં વેપારીઓ વ્યક્ત કરી રહ્યાં છે.મહુવામાં લાલ ડુંગળીની ૪૭ હજાર કટ્ટાની આવક હતીઅને ભાવ રૂ.૧૫૦થી ૫૧૬નાં હતાં. જ્યારે સફેદમાં ૯૧૦૦ કટ્ટાની આવક સામે ભાવ રૂ.૧૫૧થી ૩૭૫નાં ભાવ હતાં.ગોંડલમાં લાલ ડુંગળીની ૨૬ હજાર કટ્ટાની આવક સામે ભાવ રૂ.૧૦૧થી ૪૫૬નાં ભાવ હતાં.રાજકોટમાં નવી આવક નહોતીં, ગઈકાલની આવકમાંથી વેપારો હતા અને ભાવ રૂ.૧૧૫થી ૪૬૫નાં ભાવ હતાં. ડુંગળીની બજારમાં આગામી દિવસોમાં 
લેવાલી કેવી રહે છે તેનાં ઉપર બજારનો આધાર રહેલો છે. ભાવ કદાચ સારી ક્વોલિટીમાં રૂ.૫૦૦થી ૫૫૦ થઈને પછી પાછા ફરે તેવી સંભાવનાં વેપારીઓ વ્યક્ત કરી રહ્યાં છે.

મગફળીની બજારમાં લેવાલીનાં ટેકે ભાવમાં સરેરાશ રૂ.૧૦થી ૧૫નો વધારો જોવા મળ્યો હતો. મગફળીની બજારમાં આગળ ઉપર સીંગદાણા અને પિલાણ મિલોની લેવાલી સારી રહેશે તો બજારો હજી વધે તેવી ધારણાં છે. મગફળીમાં ગામડા ઊંચા હોવાથી ખેડૂતો હાલ વેચવાલ નથી, પરિણામે આવકો ખાસ વધતી નથી.ઉનાળુ મગફળીની બિયારણની માંગ હાલ ચાલુ છે અને તેમાં માંગ સારી હોવાથી સરેરાશ બજારને ટેકો મળી રહ્યો છે.

જામનગર માર્કેટ યાર્ડ:

હળવદ માર્કેટ યાર્ડ:

બોટાદ માર્કેટ યાર્ડ:

ગોંડલ માર્કેટ યાર્ડ:

જુનાગઢ માર્કેટ યાર્ડ:

રાજકોટ માર્કેટ યાર્ડ:.  

મોરબી માર્કેટ યાર્ડ: