ભારતના લોકો મુશ્કેલીમાં ગમે ત્યાંથી રસ્તો શોધી જ લે છે. દેશના ઘણા રાજ્યોમાં પેટ્રોલના ભાવ સદી ફટકારી ચૂક્યા છે. એવામાં જો તમારી પાસે જૂનું પેટ્રોલથી ચાલતું કોઈ સ્કૂટર છે, તો આ સમાચાર તમારા માટે ખૂબ જ સારા છે. દેશમાં ઇલેક્ટ્રિક વાહનોને લગતા ઘણા સ્ટાર્ટઅપ્સ શરૂ થઈ રહ્યા છે. એવામાં ઇ-વાહનના વેચાણને પ્રોત્સાહન આપવા માટે, સરકાર દ્વારા વેપારી અને ગ્રાહક બંનેને સબસિડી પણ આપવામાં આવી રહી છે. બેંગલુરુ સ્થિત કેટલાક સ્ટાર્ટઅપ્સે પેટ્રોલ સ્કૂટરને ઇલેક્ટ્રિકમાં ફેરવવાનું શરૂ કર્યું છે. એટલે કે, હવે તમારે નવું ઈ-સ્કૂટર ખરીદવાની જરૂર નથી.
રાઈડ-શેરિંગ સ્ટાર્ટઅપ કંપની બાઉન્સે (Bounce) બેંગ્લોરમાં આવી જ એક યોજના શરૂ કરી છે. કંપની ઇલેક્ટ્રિક મોટર અને બેટરી લગાવીને કોઈપણ પેટ્રોલ એન્જિન સ્કૂટરને ઇલેક્ટ્રિક સ્કૂટરમાં ફેરવે છે. આ માટે કંપની માત્ર 20 હજાર રૂપિયા લે છે. બાઉન્સે અત્યાર સુધીમાં એક હજારથી વધુ જૂના સ્કૂટરને ઇલેક્ટ્રિક સ્કૂટરમાં રૂપાંતરિત કર્યા છે.
એક જ ચાર્જમાં સ્કૂટર કેટલો સમય ચાલશે?
આ કંપની સ્કૂટર ઓવનર માટે સેવા કેન્દ્રો પણ ખોલી રહી છે. આ સ્કૂટરમાં આવતી બેટરી કીટ સાથે, એકવાર સ્કૂટર ફૂલ ચાર્જ થઈ જાય તો સ્કૂટર 65 કિમી સુધી ચલાવી શકાય છે. આ કીટ ઓટોમોટિવ રિસર્ચ એસોસિએશન ઓફ ઇન્ડિયા દ્વારા પ્રમાણિત છે.
પેટ્રોલ કે ઇલેક્ટ્રિક તમને ગમે તે રીતે ચલાવી શકો સ્કુટર:- આ નવો જુગાડ અજમાવવા બિઝનેસમાં બીજી ઘણી કંપનીઓ ભાગ લઈ રહી છે. જેમાં Etrio અને Meladath જેવા ઓટો ઘટકો છે. એક રિપોર્ટ મુજબ મેલાડાથ એક Ezee હાઇબ્રિડ કીટ લોન્ચ કરવાની તૈયારી કરી રહ્યું છે જે કોઈપણ જૂના પેટ્રોલ સ્કૂટરને સરળતાથી ઇલેક્ટ્રિક/હાઇબ્રિડ સ્કૂટરમાં રૂપાંતરિત કરશે. જો આવું થાય, તો સ્કૂટર જરૂરિયાત મુજબ, પેટ્રોલ અથવા ઇલેક્ટ્રિક, કોઈપણ મોડમાં ચલાવી શકાય છે.
ઇલેક્ટ્રીક સ્કુટર તૈયાર કરવામાં કેટલો ખર્ચ થાય:- સૂત્રોનું કહેવું છે કે ઈ-સ્કૂટર તૈયાર કરવા માટે લગભગ 20 થી 30 હજાર રૂપિયાનો ખર્ચ થાય છે. આ તફાવત એટલા માટે છે કે ઇલેક્ટ્રિક ટુ-વ્હીલરમાં વિવિધ પ્રકારની મોટર્સનો ઉપયોગ થાય છે. સ્કૂટર બનાવવામાં સૌથી મોટો ખર્ચ તેની મોટરનો છે. હાલમાં બે પ્રકારની મોટર્સનો ઉપયોગ થઈ રહ્યો છે. મોટરની ગુણવત્તાના આધારે સ્કૂટરની કિંમત બદલાય છે. આ મોટરનાં બે પ્રકાર છે એક હબ મોટર અને બીજી મીડ ડ્રાઇવ મોટર.
