દૂધને સંપૂર્ણ ખોરાક માનવામાં આવે છે કારણ કે તેમાં લગભગ તમામ પ્રકારના પોષક તત્વો હોય છે, તેથી જ મોટાભાગના આરોગ્ય નિષ્ણાતો સારા સ્વાસ્થ્ય માટે તેના સેવનની ભલામણ કરે છે. દૂધનો ઉપયોગ ઘણી રીતે થાય છે, કેટલાક લોકો તેને સીધું પીવે છે અથવા તો ડેરી પ્રોડક્ટ્સ ખાઈને પણ આ સુપરફૂડનો લાભ લઈ શકાય છે.
દૂધ કાચું પીવું કે ઉકાળેલું?
જ્યારે સીધું દૂધ પીવાની વાત કરવામાં આવે છે ત્યારે સૌથી વધુ ચર્ચા એ થાય છે કે દૂધ કાચું પીવું જોઈએ કે ઉકાળીને? આવો, આજે અમે તમને આ સત્યનો પરિચય કરાવવા જઈ રહ્યા છીએ.
આ પણ વાંચો: શું છે હાર્ટ એટેક? અચાનક હાર્ટ એટેક આવે તો કેવી રીતે બચાવવો દર્દીનો જીવ? જાણો અહીં
જો તમે કાચું દૂધ પીશો તો શું થશે?
સત્ય એ છે કે કાચું દૂધ પીવાથી સ્વાસ્થ્યને નુકસાન થાય છે. ફૂડ એન્ડ ડ્રગ એડમિનિસ્ટ્રેશન, યુએસ હેલ્થ પ્રોટેક્શન એજન્સી અનુસાર, કાચા દૂધમાં ઘણા હાનિકારક બેક્ટેરિયા હોઈ શકે છે જેમ કે એસ્ચેરીચિયા કોલા (ઇ. કોલી) અને લિસ્ટેરિયા, સાલ્મોનેલા વગેરે. કાચું દૂધ પીવાથી કોઈપણ વ્યક્તિને ફૂડ પોઈઝનિંગ થઇ શકે છે.
કાચું દૂધ પીવાની આડ અસરો
કાચા દૂધમાં રહેલા બેક્ટેરિયા આપણા શરીરને નુકસાન પહોંચાડે છે જેના કારણે ઝાડા, સંધિવા અને ડિહાઈડ્રેશન જેવી સમસ્યાઓ થાય છે, તેના સેવનથી શરીરમાં એસિડનું સ્તર પણ વધે છે જે સ્વાસ્થ્ય માટે સારું નથી.
કાચા દૂધમાં ગંદકી હોઈ શકે છે
કાચું દૂધ પીવું પણ નુકસાનકારક છે કારણ કે જ્યારે પશુનું દૂધ કાઢવામાં આવે છે ત્યારે આંચળ દૂષિત થઈ શકે છે, આ સિવાય જો આ માટે સ્વચ્છ હાથ અને સ્વચ્છ વાસણોનો ઉપયોગ ન કરવામાં આવે તો દૂધમાં ગંદકી આવી શકે છે. એટલા માટે જરૂરી છે કે આપણે દૂધ ઉકાળ્યા પછી જ પીવું, જે બેક્ટેરિયાને મારી નાખે છે.
આ પણ વાંચો: નારિયેળના તેલમાં મિક્સ કરો આ 2 વસ્તુઓ, તમારા વાળ ખરતા અટકશે, ગ્રોથ વધશે
