રિઝર્વ બેંક ઓફ ઈન્ડિયા (Reserve Bank of India- RBI) એ બેંક લોકરના નિયમોમાં ફેરફાર કર્યો છે. આ માટે, કેન્દ્રીય બેંકે બેંકો દ્વારા પ્રદાન કરવામાં આવતી સલામત ડિપોઝિટ લોકર અને સુરક્ષિત કસ્ટડીની સુવિધા માટે નવી માર્ગદર્શિકા જાહેર કરી છે.
રિઝર્વ બેંકે આ નિર્ણય બેન્કો તેમજ ઇન્ડિયન બેંક એસોસિએશન (Indian Banks' Association- IBA) સાથે વાતચીત કર્યા બાદ અને ગ્રાહકોની ફરિયાદો પ્રાપ્ત કર્યા બાદ લીધો છે. આવી સ્થિતિમાં, જો તમે પણ બેંક લોકર સુવિધા લીધી છે, તો તમારા માટે RBI દ્વારા બહાર પાડવામાં આવેલા નવા નિયમોથી વાકેફ રહેવું જરૂરી છે.
રિઝર્વ બેંકના નવા નિયમો અનુસાર બેંકોને લોકર ફાળવણી સમયે ફિક્સ્ડ ડિપોઝીટ લેવાનો અધિકાર છે. આ સુનિશ્ચિત કરશે કે લોકર સુવિધા મેળવનાર વ્યક્તિ સમયસર ભાડું ચૂકવવાનું ચાલુ રાખે. તેમજ, બેંક દ્વારા લોકર ફાળવણી સમયે લેવામાં આવતી રકમમાં ત્રણ વર્ષનું ભાડું અને લોકર તોડવાના ચાર્જ બંનેનો સમાવેશ થશે. બેંકોને હાલના લોકરહોલ્ડરો પાસેથી અથવા પહેલેથી કાર્યરત લોકર્સ ધરાવતા ગ્રાહકો પાસેથી ફિક્સ્ડ ડિપોઝિટ (એફડી) માંગવાની મંજૂરી નથી.
ગ્રાહકને શક્ય તેટલી વહેલી તકે આપત્તિ વિશે જાણ કરવાની રહેશે
બેંકોએ વધારાની કલમ સામેલ કરવી પડશે.
કેન્દ્રીય બેંકના નવા નિયમો અનુસાર, તમામ બેન્કો લોકર કરારમાં વધારાની કલમ પણ સામેલ કરશે. જેમાં સુનિશ્ચિત કરવામાં આવશે કે જે ગ્રાહકે લોકર ભાડે લીધું છે તે તેમાં કંઈપણ જોખમી વસ્તુ ન રાખે. ઉપરાંત, બેંક વ્યાવસાયિક તરફથી છેતરપિંડી, આગ અથવા મકાન ધરાશાયી થવાના કિસ્સામાં બેંકોએ વાર્ષિક ભાડાની રકમથી 100 ગણી રકમ ગ્રાહકને ચૂકવવાનું સૂચન કર્યું છે.
આવી માહિતી અમે Khissu ના માધ્યમથી તમારા સુધી પહોંચાડતા રહીશું એટલા માટે Khissu એપ ને ડાઉનલોડ કરી લેજો અને આ માહિતી દરેક લોકો જાણી શકે તે માટે તમારા what's app ગ્રૂપ અને Facebook ગ્રૂપમાં શેર કરો.
