SBI YONO એપ શોપિંગ ઓફર: SBI ગ્રાહકો માટે સારા સમાચાર છે. બેંક તમને શોપિંગ કરવાની શાનદાર તક આપી રહી છે. જી હાં મિત્રો, SBI તેની બેંકિંગ એપ YONO દ્વારા ખરીદી કરનારને જબરદસ્ત ડિસ્કાઉન્ટ આપી રહ્યું છે. જો તમારે પણ ખરીદી બદલ આ ઓફરનો લાભ મેળવવો હોય તો જાણી લો તેની સરળ રીત.
SBIએ જણાવ્યું
આ માહિતી આપતા SBIએ તેના ટ્વિટર હેન્ડલ પર લખ્યું છે કે, 'તમને ટોચની ફેશન બ્રાન્ડ્સ પર ઘણી ડિસ્કાઉન્ટ ડીલ્સ મળશે. જો તમે YONO એપ દ્વારા ઓર્ડર કરો છો, તો તમને બ્રાન્ડના આધારે સારું એવું ડિસ્કાઉન્ટ મળશે. તેના પર ગ્રાહકને મહત્તમ 70 ટકા સુધીનું ડિસ્કાઉન્ટ મળી રહ્યું છે. બેંકે એક ટ્વિટમાં જણાવ્યું છે કે SBI હવે ગ્રાહકોને બેંકિંગ અને જીવનશૈલી બંને ઓફર કરશે.
તમે કેવી રીતે લાભ લઈ શકો છો?
- સૌથી પહેલા SBIની ઓફિશિયલ વેબસાઈટ પર જાઓ અને તેની એપ YONO ડાઉનલોડ કરો.
- તમે આ એપને ગૂગલ પ્લે સ્ટોર પરથી પણ ડાઉનલોડ કરી શકો છો.
- તે પછી તમે તમારા મોબાઇલ નંબરથી રજિસ્ટ્રેશન કરો.
- આ પછી, તમને આ એપ્લિકેશનમાંથી જ Titan, Lifestyle, Trends, Azio, Biba જેવી બ્રાન્ડ્સમાંથી ખરીદી કરવાનો વિકલ્પ મળશે.
- અહીં કરવામાં આવતી ખરીદી પર તમને 70% સુધીનું ડિસ્કાઉન્ટ ઓફર કરવામાં આવી રહ્યું છે.
આ રીતે મેળવો વધુ લાભ
એબીસીઆઈએ તેના ટ્વીટમાં વધુમાં જણાવ્યું છે કે તમે આમાં વધુ લાભ કેવી રીતે મેળવી શકો છો. SBI અનુસાર, YONO એપ દ્વારા અલગ-અલગ બ્રાન્ડની ખરીદી કરનારા ગ્રાહકોને એપ પર ઉપલબ્ધ તમામ ડિસ્કાઉન્ટની સાથે અલગથી બચત કરવાની તક આપવામાં આવશે. આ સિવાય જે ગ્રાહકો SBI ડેબિટ અથવા ક્રેડિટ કાર્ડ દ્વારા એપ પર ખરીદી માટે ચૂકવણી કરશે તેમને પણ અલગથી ડિસ્કાઉન્ટ અને પુરસ્કારો આપવામાં આવશે. એટલે કે, તમે આ ઓફરમાં વધુ લાભો પણ મેળવી શકો છો.
