નાણાકીય વર્ષ 2022-23 1લી એપ્રિલથી શરૂ થઈ ગયું છે. આ સાથે ઘણા નિયમો પણ બદલાયા છે. આની અસર તમારી કમાણી, ખર્ચ અને રોકાણ પર પડશે. તેથી જ જાણી લો આ 8 મોટા ફેરફારો વિશે જેથી તમને ભવિષ્યમાં તેની અસર ન થાય
1. પ્રોવિડન્ટ ફંડ (PF):
જે કર્મચારીઓએ PF ખાતામાં રૂ. 2.5 લાખથી વધુ જમા કરાવ્યાં છે તેમને વ્યાજ પર આવકવેરો ચૂકવવો પડશે. ટેક્સની ગણતરી માટે રકમને બે ભાગમાં વહેંચવામાં આવશે. એકમાં કર મુક્તિ અને બીજામાં રૂ. 2.5 લાખથી વધુનું યોગદાન, જે કરપાત્ર હશે. સરકારી કર્મચારીઓ માટે આ મર્યાદા 5 લાખ રૂપિયા હશે.
2. એફોર્ડેબલ હાઉસઃ
જો તમે પહેલીવાર એફોર્ડેબલ ઘર ખરીદ્યું હોય, તો ચૂકવવામાં આવેલા વ્યાજ પર કલમ 80EEA હેઠળ 1.5 લાખની વધારાની કપાતનો લાભ મળશે નહીં. જો ઘરની કિંમત 45 લાખથી ઓછી હોય, તો અત્યાર સુધી વ્યાજની ચુકવણી પર 1.5 લાખ સુધીની કપાતનો દાવો કરી શકાશે. આ કર મુક્તિ કલમ 24B હેઠળ ઉપલબ્ધ રૂ. 2 લાખની મુક્તિ ઉપરાંત હતી. આ લાભ ફક્ત તે કરદાતાઓને જ હતો જેમણે 1 એપ્રિલ, 2019 અને માર્ચ 31, 2022 વચ્ચે ઘર ખરીદવા માટે લોન લીધી હતી.
3. ક્રિપ્ટોકરન્સી:
1 એપ્રિલથી વર્ચ્યુઅલ કરન્સી પર પણ ક્લિયર ટેક્સ નિયમો લાગુ થશે. વર્ચ્યુઅલ ડિજિટલ એસેટ અથવા ક્રિપ્ટો પર 30% ટેક્સ લાગશે. જો કોઈ વ્યક્તિ ક્રિપ્ટો કરન્સી વેચીને ફાયદો મેળવે છે, તો તેણે ટેક્સ ચૂકવવો પડશે. વેચાણ પર 1 જુલાઈથી 1% TDS પણ કાપવામાં આવશે.
4. દવાઓ:
નવા નાણાકીય વર્ષમાં હેલ્થકેર પણ મોંઘી થશે. લગભગ 800 જીવનરક્ષક દવાઓની કિંમતમાં 10%નો વધારો થશે, જે સારવારની કિંમતમાં પણ વધારો કરશે.
5. PAN:
PAN ને આધાર સાથે લિંક ન કરવા પર દંડ લાગશે. 30 જૂન 2022 સુધી 500 રૂપિયા રહેશે. આ પછી 1000 રૂપિયાનો દંડ ભરવો પડશે. જો PAN નંબર 31 માર્ચ, 2023 પછી પણ લિંક નહીં થાય તો તે નિષ્ક્રિય થઈ જશે.
આ પણ વાંચો: તમારું PAN કાર્ડ સક્રિય છે કે નિષ્ક્રિય, જાણો કેવી રીતે જાણવું, અહીં વાંચો સ્ટેપ બાય સ્ટેપ પ્રોસેસ
6. GST:
20 કરોડથી વધુ ટર્નઓવર ધરાવતા વ્યવસાયો ફરજિયાત ઈ-ઈનવોઈસિંગના દાયરામાં આવશે. દરેક બિઝનેસ ટુ બિઝનેસ ટ્રાન્ઝેક્શન માટે ઈ-ઈનવોઈસ જારી કરવામાં આવશે. આમ કરવામાં નિષ્ફળતા પરિવહન દરમિયાન માલસામાનને જપ્ત કરવામાં પરિણમી શકે છે. ઉપરાંત, ખરીદદારને જે ઇનપુટ ટેક્સ ક્રેડિટ મળશે તે પણ જોખમમાં આવશે.
7. ઓડિટ ટ્રેઇલ:
દરેક કંપનીએ એકાઉન્ટ સોફ્ટવેરમાં ઓડિટ ટ્રેઇલ ફીચર સંકલિત કરવું જરૂરી છે. ઓડિટ ટ્રેઇલનો હેતુ કંપનીના વ્યવહારોમાં પ્રવેશ પછી થયેલા ફેરફારોનો રેકોર્ડ રાખવાનો છે. ઓડિટ ટ્રેઇલ માંગ પર ઉપલબ્ધ કરાવવામાં આવશે.
આ પણ વાંચો: માર્કેટ યાર્ડ ખુલતાની સાથે જ ઘઉંનાં ભાવમાં વધારો, ઊંચો ભાવ 600 રૂપિયા, જાણો આજના બજાર ભાવ
8. મુસાફરી કરવી થશે મોંઘીઃ
નેશનલ હાઈવે પર મુસાફરી કરવી મોંઘી થઈ રહી છે. નેશનલ હાઈવે ઓથોરિટી ઓફ ઈન્ડિયા (NHAI) એ ટોલ ટેક્સમાં 10 થી 65 રૂપિયાનો વધારો કર્યો છે. નાના વાહનો માટે 10 થી 15 રૂપિયા અને કોમર્શિયલ વાહનો માટે 65 રૂપિયા સુધીનો વધારો કરવામાં આવ્યો છે.
9. NPS, મ્યુચ્યુઅલ ફંડમાં ફેરફારઃ
- રાજ્યના કર્મચારીઓ તેમના એમ્પ્લોયરના NPS યોગદાન પર ઉચ્ચ કપાતનો દાવો કરી શકશે. તમે બે વર્ષ પછી અપડેટેડ ઇન્કમ ટેક્સ રિટર્ન ફાઇલ કરી શકશો.
- કોરોનાની સારવાર માટે 10 લાખ રૂપિયા સુધીની રકમ પર ટેક્સ લાગશે નહીં.
- મ્યુચ્યુઅલ ફંડમાં રોકાણ માત્ર UPI અથવા નેટબેંકિંગ દ્વારા જ કરી શકાશે.
- 75 વર્ષથી વધુ વયના વરિષ્ઠ નાગરિકોને રિટર્ન ફાઇલ કરવામાંથી મળશે મુક્તિ.
