મૂકો લાપસીના આંધણ, દેશમાં આજે સત્તાવાર ચોમાસાની એન્ટ્રી, જાણો હવામાન ખાતાની આગાહી
ગુજરાતમાં છેલ્લા કેટલાક દિવસોથી પ્રી-મોન્સૂન એક્ટિવિટીના કારણે હવામાનમાં નોંધપાત્ર ફેરફાર જોવા મળી રહ્યો છે. રાજ્યના અનેક વિસ્તારોમાં વરસાદી ઝાપટાં વરસતા ગરમીથી આંશિક રાહત મળી છે. આ દરમિયાન હવામાન વિભાગે આજે રાજ્યના 16 જિલ્લાઓમાં હળવાથી મધ્યમ વરસાદની આગાહી વ્યક્ત કરી છે, જ્યારે નૈઋત્યનું ચોમાસું આજે કેરળ પહોંચે તેવી સંભાવના પણ વ્યક્ત કરવામાં આવી છે.
વાતાવરણમાં સતત પલટો
ગુજરાતમાં પ્રી-મોન્સૂન એક્ટિવિટીના કારણે વાતાવરણમાં સતત પલટો જોવા મળી રહ્યો છે. છેલ્લા ત્રણથી ચાર દિવસ દરમિયાન રાજ્યના છૂટાછવાયા વિસ્તારોમાં હળવાથી મધ્યમ વરસાદી ઝાપટાં નોંધાયા છે. વરસાદી માહોલ સર્જાતા ગરમીના પ્રકોપમાં આંશિક ઘટાડો જોવા મળ્યો છે અને લોકોમાં રાહતનો અનુભવ થયો છે. આગામી દિવસોમાં પણ રાજ્યના અનેક વિસ્તારોમાં વરસાદી પ્રવૃત્તિ યથાવત રહેવાની શક્યતા વ્યક્ત કરવામાં આવી રહી છે.
કુલ 16 જિલ્લાઓમાં હળવાથી મધ્યમ વરસાદની આગાહી
હવામાન વિભાગ દ્વારા આજે ગીર સોમનાથ, અમરેલી અને સુરત સહિત રાજ્યના કુલ 16 જિલ્લાઓમાં હળવાથી મધ્યમ વરસાદની આગાહી કરવામાં આવી છે. વરસાદી પ્રવૃત્તિના કારણે રાજ્યના વિવિધ વિસ્તારોમાં મહત્તમ તાપમાનમાં અંદાજે 2થી 3 ડિગ્રી સેલ્સિયસ સુધીનો ઘટાડો નોંધાઈ શકે છે. જેના કારણે આગામી દિવસોમાં ગરમીમાંથી વધુ રાહત મળવાની શક્યતા છે.
ચોમાસું આજે કેરળમાં દસ્તક
બીજી તરફ દેશભરમાં સૌથી વધુ ચર્ચાનો વિષય બનેલું નૈઋત્યનું ચોમાસું આજે કેરળમાં દસ્તક આપી શકે છે. હવામાન વિભાગના જણાવ્યા મુજબ કેરળ, તમિલનાડુ, લક્ષદ્વીપ અને અરબી સમુદ્રના વધુ વિસ્તારોમાં ચોમાસું આગળ વધવા માટે અત્યંત સાનુકૂળ ભૌગોલિક અને હવામાનીય પરિસ્થિતિઓ સર્જાઈ રહી છે. જેના કારણે ચોમાસાની ગતિમાં વધારો થવાની સંભાવના વ્યક્ત કરવામાં આવી
