FD Interest Rate: વરિષ્ઠ નાગરિકો માટે બેંકો દ્વારા ચલાવવામાં આવતી ફિક્સ્ડ ડિપોઝિટ (FD સ્કીમ) સામાન્ય રોકાણકારો માટે ચલાવવામાં આવતી યોજનાઓ કરતાં વધુ વ્યાજ આપે છે. આનો સીધો અર્થ એ છે કે જો તમે વરિષ્ઠ નાગરિકના નામે એફડીમાં રોકાણ કરો છો, તો તમને તમારા પૈસા પર વધુ વળતર મળે છે. વરિષ્ઠ નાગરિક એફડી યોજનાઓ વૃદ્ધો માટે તેમના રોકાણોની વૃદ્ધિ અને રક્ષણ માટે એક શ્રેષ્ઠ વિકલ્પ પ્રદાન કરે છે.
આવકવેરા કાયદાની કલમ 80TTB હેઠળ વૃદ્ધ લોકો આ આવક પર 50,000 રૂપિયા સુધીની કપાતનો લાભ લઈ શકે છે. આ તેને વધુ ફાયદાકારક બનાવે છે. છેલ્લા કેટલાક સમયથી બેંકો દ્વારા FD પર સારું વ્યાજ આપવામાં આવી રહ્યું છે. પરંતુ જો તમને આના કરતા પણ વધુ વ્યાજ જોઈએ છે તો અમે તમને કેટલીક નાની ફાઈનાન્સ બેંકો વિશે જણાવીશું. આમાં રોકાણ કરવાથી વરિષ્ઠ નાગરિકોને FD પર સારું વ્યાજ મળે છે.
Equitos Small Finance Bank
સામાન્ય લોકોને 7 દિવસથી 10 વર્ષ સુધીની થાપણો પર 4% થી 9% વ્યાજ આપે છે. 444 દિવસમાં પાકતી FD પર મહત્તમ વ્યાજ 9% છે. વરિષ્ઠ નાગરિકોને સામાન્ય રોકાણકારોને ઓફર કરેલા દરો પર 0.50% વધારાનું વ્યાજ મળે છે. આ દરો 21 ઓગસ્ટ 2023થી લાગુ થયા છે.
ફિનકેર સ્મોલ ફાઇનાન્સ બેંક
ફિનકેર સ્મોલ ફાઇનાન્સ બેંકમાં વરિષ્ઠ નાગરિકોને 7 દિવસથી 10 વર્ષ સુધીના સમયગાળા માટે 3.60% થી 9.21% સુધીનું વ્યાજ ચૂકવવાપાત્ર છે. આ બેંકમાં સૌથી વધુ વ્યાજ દર 9.21% છે, જે 750 દિવસમાં પાકતી FD પર ઉપલબ્ધ છે. બેંકે આ દરો 28 ઓક્ટોબર, 2023થી લાગુ કર્યા છે.
જના સ્મોલ ફાઇનાન્સ બેંક
જના સ્મોલ ફાઇનાન્સ બેંક વરિષ્ઠ નાગરિકોને 7 દિવસથી 10 વર્ષના સમયગાળા માટે થાપણો પર 3.50% થી 9% વ્યાજ આપે છે. સૌથી વધુ વ્યાજ દર 9% છે, જે 365 દિવસમાં પાકતી FD પર ઉપલબ્ધ છે. બેંકે આ દરો 2 જાન્યુઆરી 2024થી લાગુ કરી છે.
સૂર્યોદય સ્મોલ ફાઇનાન્સ બેંક
આ બેંક તરફથી વરિષ્ઠ નાગરિકોને 7 દિવસથી 10 વર્ષના સમયગાળા માટે જમા રકમ પર 4.50% થી 9.10% સુધી વ્યાજ આપવામાં આવે છે. બેંકનો સૌથી વધુ વ્યાજ દર 9.10% છે, જે બે વર્ષ અને બે દિવસમાં પાકતી FD પર આપવામાં આવે છે. આ દરો 22 ડિસેમ્બર 2023થી લાગુ કરવામાં આવ્યા છે.
યુનિટી સ્મોલ ફાઇનાન્સ બેંક
યુનિટી સ્મોલ ફાઇનાન્સ બેંક વરિષ્ઠ નાગરિકોને 7 દિવસથી 10 વર્ષ સુધીના સમયગાળા માટે થાપણો પર 4.50% થી 9.50% વ્યાજ આપે છે. 1001 દિવસમાં પાકતી FD પર ઉપલબ્ધ સૌથી વધુ વ્યાજ દર 9.50% છે. બેંકે આ દરો 2 ફેબ્રુઆરી 2024થી લાગુ કરી છે.
ઉત્કર્ષ સ્મોલ ફાઇનાન્સ બેંક
ઉત્કર્ષ સ્મોલ ફાઇનાન્સ બેંક વરિષ્ઠ નાગરિકોને 7 દિવસથી 10 વર્ષ સુધીના સમયગાળા માટે થાપણો પર 4.60% થી 9.10% વ્યાજ આપે છે. સૌથી વધુ વ્યાજ દર 9.10% છે. તે બે થી ત્રણ વર્ષની મુદત સાથે FD પર ઉપલબ્ધ છે. બેંકે આ દરો 21 ઓગસ્ટ, 2023થી લાગુ કર્યા છે.
