PM કિસાન સન્માન નિધિના લાભાર્થીઓ 11મા હપ્તાની રાહ જોઈ રહ્યા છે. ત્યારે સરકાર દ્વારા 11મો હપ્તો બહાર પાડતા પહેલા લાભાર્થીઓને KYC કરવા માટેની સૂચના આપવામાં આવી છે. જો તમે KYC ન કર્યુ હોય તો ચિંતા કરવાની જરૂર નથી. કારણ કે હવે તમારે KYC કરાવવા માટે આધાર સેવા કેન્દ્રોની મુલાકાત લેવાની જરૂર નથી. એટલે કે, તમે ઘરે બેઠા પણ KYC પૂર્ણ કરી શકો છો. ચાલો જાણીએ કઇ રીતે..
OTP પ્રમાણીકરણ પુનઃસ્થાપિત
આ માટે તમારો આધાર અને મોબાઈલ નંબર લિંક હોવો જોઈએ. જો આ બંને લિંક્સ છે તો તમે મોબાઇલ અથવા લેપટોપથી OTP દ્વારા ઇ-કેવાયસીની પ્રક્રિયા પૂર્ણ કરી શકો છો. તમને જણાવી દઈએ કે પીએમ કિસાન પોર્ટલ પર આધાર આધારિત ઓટીપી પ્રમાણીકરણ થોડા દિવસો માટે બંધ હતું, જે હવે પુનઃસ્થાપિત કરવામાં આવ્યું છે.
31 મે પહેલા કરો ઈ-કેવાયસી
જો તમે હજુ સુધી PM કિસાન સંબંધિત e-KYC પૂર્ણ કર્યું નથી, તો તમારો 11મો હપ્તો બંધ થઈ શકે છે. પીએમ કિસાન પોર્ટલ પર આધાર આધારિત ઇ-કેવાયસી ફરી શરૂ કરવામાં આવ્યું છે. હવે ફરી સરકાર દ્વારા ઇ-કેવાયસી નિયમો ફરજિયાત બનાવવામાં આવ્યા છે.
ઇ-કેવાયસી કેવી રીતે પૂર્ણ કરવું
1:- સૌ પ્રથમ PM કિસાન વેબસાઇટ (pmkisan.gov.in) ખોલો. અહીં જમણી બાજુએ e-KYC ની લિંક જોવા મળશે.
2:- તેમાં આધાર સાથે લિંક કરેલ મોબાઇલ નંબર દાખલ કરો અને સર્ચ પર ક્લિક કરો.
3:- હવે તમારા મોબાઈલ પર 4 અંકનો OTP આવશે. તેને આપેલ બોક્સમાં ટાઈપ કરો.
4:- ફરીથી તમને આધાર પ્રમાણીકરણ માટે બટનને ક્લિક કરવાનું કહેવામાં આવશે. તેને ટેપ કરો અને આધાર સાથે લિંક કરેલા મોબાઈલ નંબર પર બીજો 6 અંકનો OTP આવશે. તેને ભરો અને સબમિટ પર ટેપ કરો.
5:- આ પછી તમારું eKYC પૂર્ણ થશે અથવા જો નહિ થાય, તો Invalid લખવામાં આવશે. જો આવું થાય, તો તમે આધાર સેવા કેન્દ્રની મુલાકાત લઈને તેને સુધારી શકો છો. આ ઉપરાંત જો eKYC પહેલેથી જ થઈ ગયું છે, તો eKYC is already done નો મેસેજ દેખાશે.
30 જૂન સુધી કરવામાં આવશે સોશિયલ ઓડિટ
એવું પણ જાણવા મળે છે કે 1 મેથી 30 જૂન વચ્ચે સરકાર દ્વારા સોશિયલ ઓડિટ કરવામાં આવી રહ્યું છે. આ ઓડિટમાં ગ્રામસભા દ્વારા પાત્ર અને લાયક ન હોય તેવા લોકોની માહિતી એકત્ર કરવામાં આવશે. ત્યારબાદ તે યાદીમાંથી અયોગ્ય લોકોના નામ દૂર કરવામાં આવશે અને પાત્ર લોકોના નામ ઉમેરવામાં આવશે.
ક્યારે આવશે 11મો હપ્તો
રાજ્ય સરકારો દ્વારા પાત્ર ખેડૂતોની ટ્રાન્સફર માટેની વિનંતી (RFT) પર હસ્તાક્ષર કરવામાં આવ્યા છે. આ પછી FTO જનરેટ થશે. આ પછી લાભાર્થીના ખાતામાં પૈસા આવવા લાગશે. તમને જણાવી દઈએ કે કેન્દ્ર સરકારની આ યોજનામાં 12.5 કરોડ ખેડૂતો નોંધાયેલા છે.
