આવતી કાલથી ચેક સંબંધિત નિયમોમાં ફેરફારઃ- બેંક ઓફ બરોડા ચેક સંબંધિત નિયમોમાં મોટો ફેરફાર કરવા જઈ રહી છે, તેથી જો તમારે ચેક સંબંધિત કામ કરવું હોય તો તમારે તેની પેહલા માહિતી આપવી પડશે. નવા નિયમ મુજબ જો કોઈ વ્યક્તિએ ચેક આપવો હોય તો તે પહેલા ચેકથી સંબંધિત કેટલીક જરૂરી માહિતી બેંકમાં આપવી પડશે.
ચેકની પુષ્ટિ કરવા માટે ગ્રાહકે 6 આવશ્યક માહિતી પ્રદાન કરવાની રહેશે. તેમાં ચૂકવણી કરનારનું નામ, ચેકની રકમ, એકાઉન્ટ નંબર, ચેક નંબર, ટ્રાન્ઝેક્શન કોડ અને ચેકની તારીખ જણાવવી આવશ્યક છે. આનાથી બેંક ઓફ બરોડાને વધુ કિંમતો માટે ચેક પાસ કરવામાં સરળતા રહેશે અને બેંકે ગ્રાહકને ફરીથી કન્ફર્મેશન માટે કૉલ કરવો પડશે નહીં.
ગ્રાહક રૂ.50,000 કે તેથી વધુના ચેકની પુષ્ટિ કરી શકે છે. તમે એમ કનેક્ટ પ્લસ, બરોડા નેટ બેંકિંગ, શાખાની મુલાકાત લઈને અથવા 8422009988 પર SMS મોકલીને ચેકની પુષ્ટિ કરી શકો છો.
કાલથી ચેક પેમેન્ટ માટે કન્ફર્મેશન જરૂરી રહેશે અન્યથા ચેક પેમેન્ટ વગર ક્લિયરિંગ અથવા ઈન્ટરસોલ પર પરત કરવામાં આવશે. રિઝર્વ બેંક ઓફ ઈન્ડિયા (RBI) દ્વારા પોઝિટિવ પે કન્ફર્મેશનનો નવો નિયમ પણ બનાવવામાં આવ્યો છે. રૂ10 લાખ અથવા તેથી વધુ રકમના ચેક માટે પોઝિટિવ પે કન્ફર્મેશન ફરજિયાત રહેશે અન્યથા તે ચૂકવણી વિના ઇન્ટરસોલને પરત કરવામાં આવશે.
