મહિલા NRIs માટે બેંક ઓફ બરોડાએ લોન્ચ કર્યું સ્પેશિયલ સેવિંગ એકાઉન્ટ, જાણો તેના ફાયદા
જાહેર ક્ષેત્રની બેંક ઓફ બરોડા (BOB) એ મહિલા NRI માટે ખાસ સેવિંગ એકાઉન્ટ શરૂ કર્યું છે. BoB ગ્લોબલ વુમન NRE અને NRO સેવિંગ્સ એકાઉન્ટના ઘણા ફાયદા છે. જેમ કે હોમ અને ઓટો લોન પર ઓછા વ્યાજ દરો અને પ્રોસેસિંગ ફી, લોકરના ભાડા પર સંપૂર્ણ ડિસ્કાઉન્ટ, ફ્રી એરપોર્ટ લાઉન્જ એક્સેસ સાથે કસ્ટમાઇઝ્ડ ડેબિટ કાર્ડ. આ સિવાય પર્સનલ અને હવાઈ અકસ્માત વીમા કવરેજની પણ સુવિધા છે.
બેંકની આ ખાસ ઓફરનો આ ધ્યેય છે
બેન્ક ઓફ બરોડાના એક્ઝિક્યુટિવ ડિરેક્ટર બીના વાહીદે જણાવ્યું હતું કે, બેન્કનો હેતુ સમગ્ર વિશ્વમાં ભારતીય મહિલાઓની બદલાતી જરૂરિયાતોને પહોંચી વળવાનો છે. તેમણે કહ્યું કે, BOB ગ્લોબલ વુમન NRE અને NRO સેવિંગ્સ એકાઉન્ટ નવા યુગની વૈશ્વિક ભારતીય મહિલાઓની બદલાતી જરૂરિયાતોને ઓળખવા અને તેમને સશક્ત કરવા માટે ડિઝાઇન કરવામાં આવ્યા છે.
પ્રીમિયમ NRI, NRO બચત ખાતું પણ અપગ્રેડ કર્યું
મહિલાઓ માટે આ વિશેષ ઓફર ઉપરાંત, બેંકે તેના BOB પ્રીમિયમ NRE અને NRO બચત ખાતાઓને પણ અપગ્રેડ કર્યા છે. આ ફેરફારમાં ડેબિટ કાર્ડમાં ટ્રાન્ઝેક્શન લિમિટ વધારવામાં આવી છે. એરપોર્ટ લાઉન્જમાં મફત પ્રવેશ આપવામાં આવે છે, ડિપોઝિટ લોકર મફત છે, લોન પર વ્યાજ દર પણ રાહત આપે છે. બેંક ઓફ બરોડાની સ્થાપના 20 જુલાઈ, 1908ના રોજ સર મહારાજા સયાજીરાવ ગાયકવાડ ત્રીજા દ્વારા કરવામાં આવી હતી. 17 દેશોમાં ફેલાયેલી આ બેંકના ગ્રાહકોની સંખ્યા લગભગ 165 મિલિયન છે. નવી ગ્લોબલ એનઆરઆઈ બેંકિંગ સેગમેન્ટ તેની સ્થિતિને મજબૂત કરવા બેંકની વ્યૂહરચનાનો એક ભાગ છે.
NRI કોને કહે છે ?
ભારતીય મૂળના આવા નાગરિકો કે જેઓ કામ અથવા અભ્યાસ માટે અન્ય દેશોમાં રહેતા હોય તેમને Non Resident Indian અથવા NRI કહેવામાં આવે છે. ઘણી જગ્યાએ તેઓને Overseas Indian પણ કહેવામાં આવે છે. ઘણી વખત લોકો ઉચ્ચ અભ્યાસ માટે અથવા સારી નોકરીની શોધમાં અથવા કેટલીક તાલીમ માટે વિદેશ જાય છે અને ત્યાં સ્થાયી થાય છે. તે આ રીતે પણ સમજી શકાય છે કે આવા નાગરિકો જે વર્ષમાં 182 દિવસથી ઓછા સમયમાં ભારતમાં રહે છે તેને NRI કહેવામાં આવે છે. ભારત સરકારના India’s Foreign exchange Management act 1990 જે ભારતીયો વેપાર, રોજગાર અથવા શિક્ષણ વગેરે માટે વિદેશમાં સ્થાયી થાય છે તેમને NRI કહેવામાં આવે છે.
