જો તમે બેંક ઓફ બરોડાના ક્રેડિટ કાર્ડ ધારક છો, તો નોંધ લો કે નવા નિયમો 23 જૂનથી અમલમાં આવી રહ્યા છે. હાલમાં, બાકી રકમ પર વ્યાજ દર મહિને 3.49 ટકા (વાર્ષિક 41.88 ટકા) છે.
પરંતુ 23 જૂનથી, તમામ BOBCARD One કો-બ્રાન્ડેડ ક્રેડિટ કાર્ડ સભ્યો માટે વ્યાજ દર મહિને 3.57 ટકા (વાર્ષિક 45 ટકા) સુધી વધી જશે.
ઓવર-લિમિટ ફીમાં વધારો
ક્રેડિટ કાર્ડ ધારકોને હવે વધુ ઓવર-લિમિટ ચાર્જનો સામનો કરવો પડશે. હાલમાં, જો તમે નિર્ધારિત ક્રેડિટ મર્યાદા કરતાં વધુ ખર્ચ કરો છો તો બેંક 2.5 ટકા અથવા રૂ 400 (જે વધારે હોય તે) ની ઓવર-લિમિટ ફી વસૂલે છે.
23 જૂનથી આ ફી વધીને 2.5 ટકા અથવા રૂ. 500 (જે વધારે હોય તે) થઈ જશે. નોંધ કરો, જો તમે OneCard એપ્લિકેશનમાં ઓવર-લિમિટ કાર્ડ નિયંત્રણને સક્ષમ કર્યું હોય તો જ ઓવર-લિમિટ ટ્રાન્ઝેક્શન શક્ય બનશે.
જો ચુકવણી નિયત તારીખે કરવામાં આવે અથવા લઘુત્તમ રકમ કરતાં ઓછી ચૂકવવામાં આવે તો બેંક લેટ પેમેન્ટ ચાર્જ વસૂલે છે. હાલમાં લેટ પેમેન્ટ ચાર્જિસ રૂ. 100 થી રૂ. 1,200ની વચ્ચે છે. પરંતુ 23 જૂનથી લેટ પેમેન્ટ ફીમાં સુધારો કરીને રૂ. 250 થી રૂ. 1,250 કરવામાં આવશે.
