સરકાર 15 વર્ષથી જૂના વાહનોને લઈને કડક પગલાં લેવા જઈ રહી છે. માર્ગ પરિવહન અને રાજમાર્ગ મંત્રાલયના આદેશ અનુસાર, 1 એપ્રિલથી, 15 વર્ષથી જૂના વાહનોના ફરીથી નોંધણીનો ખર્ચ આઠ ગણો વધી જશે. આ નિયમ તે જગ્યાઓ પર લાગુ થશે જ્યાં 15 વર્ષ જૂના પેટ્રોલ વાહનો અને 10 વર્ષ જૂના ડીઝલ વાહનોનું રજીસ્ટ્રેશન વિનાનું માનવામાં આવે છે.
1લી એપ્રિલથી 15 વર્ષ જૂની કારનું રજીસ્ટ્રેશન રિન્યુ કરાવવા માટે 5,000 રૂપિયા ચૂકવવા પડશે. હાલમાં આ ફી માત્ર 600 છે. વિદેશી કાર માટે આ ફી 15,000 રૂપિયાથી વધીને 40,000 રૂપિયા થઈ જશે. ટુ-વ્હીલર વાહનોના રજીસ્ટ્રેશન માટે 300 રૂપિયાના બદલે 1000 રૂપિયા ચૂકવવા પડશે.
દંડ પણ કરવામાં આવશે
એટલું જ નહીં રજીસ્ટ્રેશનમાં વિલંબ માટે અલગથી દંડ ભરવો પડશે. ખાનગી વાહનોના રજીસ્ટ્રેશનમાં વિલંબ થાય તો દર મહિને રૂ. 300 અને કોમર્શિયલ વાહનો માટે રૂ. 500 પ્રતિ મહિને અલગથી ચાર્જ ચૂકવવો પડશે.
મંત્રાલયના જણાવ્યા અનુસાર 1 એપ્રિલથી જૂના ટ્રાન્સપોર્ટ અને કોમર્શિયલ વાહનોના ફિટનેસ ટેસ્ટનો ખર્ચ પણ વધશે. કોમર્શિયલ વાહનો આઠ વર્ષથી વધુ જુના થઈ ગયા પછી તેના માટે ફિટનેસ સર્ટિફિકેટ હોવું જરૂરી છે. ટેક્સીઓ માટે ફિટનેસ ટેસ્ટ ફી 1,000 રૂપિયાને બદલે 7,000 રૂપિયા હશે. બસ અને ટ્રક માટે આ ફી 1,500 રૂપિયાથી વધીને 12,500 રૂપિયા થશે.
કેન્દ્ર સરકારે અનુપાલન ફીમાં વધારો કર્યો છે જેથી માલિકો તેમના જૂના વાહનોને સ્ક્રેપ કરવાનું પસંદ કરી શકે જે વધુ પ્રદૂષણનું કારણ બને છે. ભારતમાં એક કરોડથી વધુ વાહનો સ્ક્રેપિંગ માટે પાત્ર છે. કેન્દ્રએ કાર માલિકો માટે જૂના વાહનોને સ્ક્રેપ કરવાનું સરળ બનાવવા પ્રક્રિયાને પણ ઓનલાઈન કરી છે.
સ્ક્રેપ નીતિમાં ફેરફાર
રોડ ટ્રાન્સપોર્ટ અને હાઈવે મંત્રાલયે વ્હીકલ સ્ક્રેપિંગ ફેસિલિટી એમેન્ડમેન્ટ રૂલ્સ 2022 માંથી નોટિફિકેશન બહાર પાડ્યું છે. તેમાં મોટર વ્હીકલ (વાહન સ્ક્રેપિંગ ફેસિલિટીનું રજિસ્ટ્રેશન અને વર્ક્સ) નિયમો 23 સપ્ટેમ્બર 2021ના સંશોધન છે, જે રજીસ્ટર્ડ વ્હીકલ સ્ક્રેપિંગ ફેસિલિટી (RVSF) ની સ્થાપના માટેની પ્રક્રિયા દર્શાવે છે.
નિયમોમાં મળેલા ફીડબેકના આધારે ફેરફારો કરવામાં આવ્યા છે. આના દ્વારા, વાહનના માલિકો, આરવીએસએફ ઓપરેટરો, ડીલરો, પ્રાદેશિક પરિવહન સત્તાવાળાઓ વગેરે જેવા તમામ હિતધારકો માટે વાહન સ્ક્રેપિંગની પ્રક્રિયાને સરળ અને ડિજિટાઇઝ કરવા માટે કરવામાં આવી છે.
