બેન્ક ઓફ બરોડાએ પોતાનાં કસ્ટમર માટે એક મોટું એલાન કર્યુ છે. બેંક ઓફ બરોડાએ ગ્રાહકો માટે પ્રી એપ્રુવ પર્સનલ લોનની જાહેરાત કરી છે. જેનાં થકી બેન્ક ઓફ બરોડાના ગ્રાહકો ફ્કત 30 મિનિટમાં અને 3 કલિકમાં લોન લઈ શકશે. વધુ જાણકારી માટે ગ્રાહક bankofbaroda.in પર લોગીન પણ કરી શકશે.
હાલમાં બેંક ઓફ બરોડાએ તેના સત્તાવાર ટ્વિટર હેન્ડલ પરથી પ્રિ એપ્રૂવ પર્સનલ લોન વિશે ટ્વિટ કર્યું છે. ટ્વીટમાં લખ્યું હતું, "30 સેકન્ડ. 3 ક્લિક્સ. પૂર્વ-મંજૂર વ્યક્તિગત લોન ક્યારેય આટલી સરળ ન હતી. હમણાં જ મેળવો. આજે જ bobWorld દાખલ કરો"
લાભો અને ખાસિયત
રસ ધરાવતા ગ્રાહકોએ નોંધ લેવી જોઈએ કે આ લોન ઑફલાઇન (POS) અને ઑનલાઇન (ઈ-કોમર્સ એગ્રીગેટર્સ) પરથી રૂ. 50,000 સુધીની ખરીદી માટે ઉપલબ્ધ છે. જેની મહત્તમ મર્યાદા 50,000 રૂપિયા સુધીની છે. તે જ સમયે, તમે 3, 6, 9, 12, 18 મહિનાની સરળ EMI પર આનો લાભ લઈ શકો છો. BoBની વેબસાઈટ અનુસાર, ગ્રાહકો મોબાઈલ બેંકિંગ એપ્લિકેશન (M-Connect Plus) દ્વારા રૂ. 50,000 સુધીની ક્રેડિટ પર પણ આ માટે પાત્ર છે. આ ઓફર હેઠળ ગ્રાહકો નિયમો અને શરતો અનુસાર બ્રાન્ડ્સ તરફથી કેશબેક (જો કોઈ હોય તો) માટે પણ પાત્ર બનશે.
લોન કોને મળી શકે?
પર્સનલ સેવિંગ્સ સેવિંગ્સ બેંક એકાઉન્ટ ધારકો જે બેંકના પૂર્વ નિર્ધારિત આંતરિક નિયમો હેઠળ પાત્ર છે તેઓ આ ઑફરનો લાભ લઈ શકે છે. આ માટે ગ્રાહકોની લઘુત્તમ ઉંમર 21 વર્ષ હોવી જોઈએ. પાત્ર ગ્રાહકોને આ વિશે SMS/ઈમેલ દ્વારા જાણ કરવામાં આવશે. તે જ સમયે, ગ્રાહકો "PAPL" ટાઇપ કરીને અને રજિસ્ટર્ડ મોબાઇલ નંબર પરથી 8422009988 પર મોકલીને પાત્રતા અને મર્યાદા પણ ચકાસી શકે છે.
આ પણ વાંચો: ડુંગળીના ભાવમાં તેજી: આજનો સૌથી ઉંચો ભાવ રૂ. 600, જાણો આજના ડુંગળીના બજાર ભાવ
કેવી રીતે અરજી કરવી?
આ ઓફર હેઠળ, તમામ મુદત માટે વ્યાજ દર વાર્ષિક 16 ટકા નક્કી કરવામાં આવ્યો છે. આ માટે ગ્રાહકોએ બેંકની સત્તાવાર વેબસાઈટ પર લોગીન કરવું પડશે. અહીં તેમણે 'Apply Now' વિકલ્પ પર ક્લિક કરવાનું રહેશે. પછી પ્રક્રિયા પૂર્ણ કરવા માટે સૂચનાઓનું પાલન કરવું પડશે.
