પૈસા જે જીવનની સૌથી મોટી જરૂરીયાત છે તેને સમજી વિચારીને ખર્ચ કરવા અને તેને યોગ્ય જગ્યાએ રોકવા એ આપણી બુદ્ધિમત્તા સૂચવે છે. વર્તમાનમાં જે રોગચાળો ફેલાયો છે તેની સામે લડવા લોકોની બચત જ ઉપયોગી થઇ રહી છે. માટે તમારી આજની બચત તમારા ભવિષ્યમાં કામ લાગશે. હવે આ બચત કરવી કઇ રીતે? ક્યો છે રોકાણ માટેનો શ્રેષ્ઠ વિકલ્પ? તો આ પ્રશ્નોનો ઉત્તર એક જ છે કે, લોકો માટે પોતાની બચતોને સાચવવાનો શ્રેષ્ઠ વિકલ્પ એટલે ફિક્સ્ડ ડિપોઝિટ (FD). જે રોકાણ માટે સૌથી સુરક્ષિત રસ્તો છે. સુરક્ષાની સાથે સાથે તેમાં વ્યાજ પણ મળે છે.
FD પર શ્રેષ્ઠ વ્યાજ દરો:
ઓમિક્રોન વેરિઅન્ટને કારણે, કોરોનાના કેસ વધી રહ્યા છે અને શેરબજારમાં સતત વધઘટ થઈ રહી છે. દરમિયાન, ઘણા લોકો ફિક્સ્ડ ડિપોઝિટ (FD) ને સુરક્ષિત રોકાણ વિકલ્પ માને છે. ફિક્સ્ડ ડિપોઝિટમાં રોકાણ કરવાથી તરલતા વધે છે અને વ્યાજ કમાવવામાં મદદ મળે છે. રોગચાળા દરમિયાન ઇમરજન્સી કોર્પ્સ તૈયાર કરવામાં પણ બચત ખૂબ કામ કરે છે. રિઝર્વ બેંક ઓફ ઈન્ડિયા (RBI) એ રેપો રેટ 4 ટકા પર યથાવત રાખ્યો છે. ઘણી બેંકોએ FD પરના વ્યાજ દરમાં ઘટાડો કર્યો છે. વ્યાજ દરો ઘટવા છતાં, ઘણી નાની ફાઇનાન્સ બેંકો અને નાની ખાનગી બેંકો છે જે FD પર 7 ટકા સુધીનો વ્યાજ દર ઓફર કરી રહી છે. તો ચાલો જાણીએ કે ત્રણ વર્ષની મુદતવાળી FD પર સૌથી વધુ વ્યાજ કઇ બેંક દ્વારા મળે છે.
આ પણ વાંચો: ચૂંટણીની શાહી કેમ ભૂંસી શકાતી નથી? જાણો કારણ
સૂર્યોદય સ્મોલ ફાઇનાન્સ બેંક
સૂર્યોદય સ્મોલ ફાઇનાન્સ બેંક ત્રણ વર્ષની FD પર 7 ટકાનો વ્યાજ દર ઓફર કરે છે. આ બેંક સ્મોલ ફાઇનાન્સ બેંકોમાં શ્રેષ્ઠ વ્યાજ દર ધરાવે છે. તેમાં એક લાખ રૂપિયાનું રોકાણ કર્યા પછી, તે ત્રણ વર્ષ પછી 1.23 લાખ રૂપિયા થઈ જાય છે. આમાં ઓછામાં ઓછું 1,000 રૂપિયાનું રોકાણ કરવું પડશે.
ઉજ્જિવન સ્મોલ ફાઇનાન્સ બેંક
ઉજ્જિવન સ્મોલ ફાઇનાન્સ બેંકનો ત્રણ વર્ષની FD પર 6.5 ટકાનો વ્યાજ દર છે. જો તમે આમાં એક લાખ રૂપિયાનું રોકાણ કરો છો તો ત્રણ વર્ષમાં આ રકમ વધીને 1.21 લાખ રૂપિયા થઈ જશે. તેના માટે ઓછામાં ઓછું રૂ. 1,000નું રોકાણ જરૂરી છે.
આ પણ વાંચો: બેંક ઓફ બરોડાના ગ્રાહકો માટે મોટાં સમાચાર: 1લી તારીખથી બેંકના નવા નિયમો લાગુ
આરબીએલ બેંક
હાલમાં, આ ખાનગી બેંકમાં ત્રણ વર્ષની મુદતવાળી FD પર 6.30 ટકાનો વ્યાજ દર ઉપલબ્ધ છે. ખાનગી બેંકો અહીં સૌથી વધુ વ્યાજ મેળવી રહી છે. જો તમે તેમાં એક લાખ રૂપિયાનું રોકાણ કરો છો, તો તે ત્રણ વર્ષમાં વધીને 1.21 લાખ રૂપિયા થઈ જશે.
યસ બેંક
ત્રણ વર્ષની FD પર યસ બેંકનો વ્યાજ દર 6.25 ટકા છે. તેમાં એક લાખ રૂપિયાનું રોકાણ કરવાથી ત્રણ વર્ષમાં રકમ 1.20 લાખ રૂપિયા થઈ જાય છે. તેના માટે ઓછામાં ઓછા 10,000 રૂપિયાનું રોકાણ જરૂરી છે.
ઇન્ડસઇન્ડ બેંક, AU સ્મોલ ફાઇનાન્સ બેંક અને ઇક્વિટાસ સ્મોલ ફાઇનાન્સ બેંક
આ બેંકો ત્રણ વર્ષની મુદતવાળી FD પર 6 ટકાનો વ્યાજ દર ધરાવે છે. આમાં 1 લાખ રૂપિયાનું રોકાણ કરવા પર ત્રણ વર્ષમાં રકમ વધીને 1.19 લાખ રૂપિયા થઈ જાય છે. ઇન્ડસઇન્ડ બેંકમાં 10,000 રૂપિયા અને AU સ્મોલ ફાઇનાન્સ બેંકમાં 1,000 રૂપિયાનું લઘુત્તમ રોકાણ જરૂરી છે.
