વેપારીઓ માટે જીએસટી સાથે જોડાયેલા મોટા સમાચાર આવ્યા છે. નવા નિયમો અનુસાર હવે 5 કરોડ રૂપિયાના ટર્નઓવર પર ઈ-ઈનવોઈસિંગ ફરજિયાત કરવામાં આવ્યું છે. અગાઉ ઓક્ટોબર 2022માં સરકારે 10 કરોડ રૂપિયાનો નવો નિયમ લાગુ કર્યો હતો. 1 ઓગસ્ટથી ઈ-ઈનવોઈસિંગ ફરજિયાત કરવામાં આવશે.
આ કેમ કરવામાં આવ્યું?
પાલનને વધુ કડક બનાવવા માટે સરકારે આ પગલું ભર્યું છે. ઉપરાંત, આ પગલું રેવન્યુ લીકેજને રોકવામાં પણ મદદ કરશે.
ઈ-ઈનવોઈસિંગ શું છે: ઈ-ઈનવોઈસ એ GST સિસ્ટમ હેઠળ લાવવામાં આવેલી નવી સિસ્ટમ છે. આમાં ઈન્વોઈસ (બીલ) ઓનલાઈન અપલોડ કરવામાં આવે છે અને તે અપલોડ કરેલા ઈન્વોઈસ પર એક નંબર આપવામાં આવે છે. આ નંબરનો ઉપયોગ કરીને, ઇનવોઇસ સંબંધિત તમામ માહિતી સરળતાથી મેળવી શકાય છે. આ સિવાય તેનો ઉપયોગ ઈ-વે બિલ જનરેટ કરવા અને રિટર્ન ભરવા માટે પણ સરળતાથી થઈ શકે છે.
સરકાર વધુ એક મોટું પગલું ભરશે- સરકાર બનાવટી બિલ અને GSTમાં નોંધણી અને રિફંડ વિરુદ્ધ દેશભરમાં વિશેષ અભિયાન શરૂ કરશે.
નાણા મંત્રાલયે આ વિશેષ અભિયાન હેઠળ જીએસટી વિભાગના તમામ વરિષ્ઠ અધિકારીઓ માટે માર્ગદર્શિકા જારી કરી છે. આ બે મહિનાનું વિશેષ અભિયાન 16 મેથી શરૂ થશે અને 16 જુલાઈ સુધી ચાલશે. કેન્દ્ર અને રાજ્ય સરકારના તમામ ટેક્સ અધિકારીઓને આ અભિયાનમાં ભાગ લેવા માટે કહેવામાં આવ્યું છે.
સરકારને ડેટા એનાલિટિક્સ અને રિસ્ક પેરામીટર્સના આધારે નકલી GSTIN ને ઓળખવા માટે કહેવામાં આવ્યું છે. કેન્દ્ર અને રાજ્યો વચ્ચે વધુ સારા સંકલન માટે તમામ CGST ઝોનમાં નોડલ ઓફિસરની તાત્કાલિક નિમણૂક કરવા સૂચના આપવામાં આવી છે.
