દિલ્હી-એનસીઆરમાં, જ્યાં પ્રદૂષણને કારણે સ્થિતિ ખરાબ છે, તો દેશના કેટલાક ભાગોમાં ભારે વરસાદની ચેતવણી જારી કરવામાં આવી છે. ભારતીય હવામાન વિભાગ (IMD) એ કહ્યું છે કે ગુરુવારે દક્ષિણ ભારતના ઘણા રાજ્યોમાં ભારે વરસાદ પડી શકે છે. હવામાન વિભાગના જણાવ્યા અનુસાર દક્ષિણના રાજ્યો તમિલનાડુ, આંધ્રપ્રદેશ, કેરળ અને પુડુચેરીમાં આજે ભારે વરસાદની સંભાવના છે.
આ સિવાય હવામાન વિભાગે મહારાષ્ટ્ર અને ગોવામાં પણ વરસાદની સંભાવના વ્યક્ત કરી છે. હવામાન વિભાગના જણાવ્યા અનુસાર તામિલનાડુ, પુડુચેરી, કરાઈકલ અને તટીય આંધ્રપ્રદેશમાં 17 અને 19 તારીખે ભારેથી અતિ ભારે વરસાદ થઈ શકે છે. 18 નવેમ્બરના રોજ, રાયલસીમા, દક્ષિણ કોસ્ટલ આંધ્રપ્રદેશ અને નજીકના ઉત્તર તમિલનાડુ કોસ્ટ પર ભારેથી અતિ ભારે વરસાદની અપેક્ષા છે.
બુધવારે જારી કરાયેલ એક અખબારી યાદીમાં, હવામાન વિભાગે જણાવ્યું હતું કે, રાયલસીમા, તમિલનાડુ, પુડુચેરી અને કરાઈકલ અને દરિયાકાંઠાના આંધ્રપ્રદેશમાં આગામી 4 દિવસ દરમિયાન છૂટાછવાયા સ્થળોએ હળવાથી મધ્યમ વરસાદની સંભાવના છે. આગામી 3 દિવસ દરમિયાન કેરળ અને માહેમાં અને આગામી 2 દિવસ દરમિયાન કોસ્ટલ કર્ણાટકમાં વરસાદની સંભાવના છે.
હવામાન વિભાગના જણાવ્યા અનુસાર, બંગાળની ખાડીના દક્ષિણ-પૂર્વીય ભાગ પર બનેલું લો પ્રેશર એરિયા પશ્ચિમ તરફ આગળ વધ્યું છે. જે 18 નવેમ્બર (ગુરુવાર) સુધીમાં દક્ષિણ આંધ્ર પ્રદેશ અને તેની સાથેના ઉત્તરી તમિલનાડુના દરિયાકાંઠે પહોંચવાની ધારણા છે. જેના કારણે આસપાસના વિસ્તારોમાં ભારે વરસાદ પડી શકે છે.
હવામાન વિભાગના જણાવ્યા અનુસાર, તમિલનાડુ, પુડુચેરી અને તટીય આંધ્રપ્રદેશમાં આગામી 4 દિવસ સુધી વરસાદ ચાલુ રહી શકે છે. તે જ સમયે, કેરળ અને માહેમાં 3 દિવસ સુધી વરસાદની સંભાવના છે. બીજી તરફ કોસ્ટલ કર્ણાટકમાં 2 દિવસ સુધી વરસાદની સંભાવના છે. હવામાન વિભાગનું કહેવું છે કે આગામી 120 કલાક દરમિયાન બંગાળની ખાડી પર ચક્રવાતનું દબાણ સર્જાવાની શક્યતા જોકે શૂન્ય છે.
વિભાગે એક બુલેટિનમાં જણાવ્યું હતું કે નીચા દબાણનો વિસ્તાર 18 નવેમ્બર સુધીમાં પશ્ચિમ તરફ આગળ વધીને દક્ષિણ આંધ્ર પ્રદેશ અને તેની નજીકના ઉત્તર તમિલનાડુના દરિયાકાંઠે પહોંચવાની ધારણા છે. આ સાથે હવામાન વિભાગે માહિતી આપી છે કે રાજસ્થાન, ગુજરાત અને મધ્યપ્રદેશના કેટલાક વિસ્તારોમાં તોફાન સાથે વીજળી પડવાની સંભાવના છે. તેમજ આ વિસ્તારોમાં વરસાદ પડી શકે છે. જો કે, આ વિસ્તારો માટે એલર્ટ જારી કરવામાં આવ્યું નથી. તે જ સમયે, તેલંગાણા અને કેરળમાં આજે એટલે કે ગુરુવારે ભારે વરસાદની સંભાવના છે.
