સ્ટેટ બેંક ઓફ ઈન્ડિયા અને HDFCની હોમ લોન મોંઘી થઈ ગઈ છે. જ્યારે SBIએ હોમ લોનમાં 0.40 ટકાનો વધારો કર્યો છે, ત્યારે HDFC એ હોમ લોન પર વ્યાજ 0.50 ટકા કર્યું છે. હાલમાં, EBLR સાથે જોડાયેલ SBIની હોમ લોન મોંઘી થઈ ગઈ છે. બેંકે આ અંગે ગ્રાહકોને જાણ કરી છે. એચડીએફસીએ અગાઉ એપ્રિલમાં 0.30 ટકાનો વધારો કર્યો હતો.
ICICI બેંક અને PNBએ પણ MCLRમાં કર્યો વધારો
જાહેર ક્ષેત્રની પંજાબ નેશનલ બેંક અને ખાનગી ક્ષેત્રની ICICI બેંકે પણ તેમના MCLR દરમાં વધારો કર્યો છે. PNBએ MCLR માં 0.15 ટકાનો વધારો કર્યો છે, જ્યારે ICICI બેન્કે MCLRમાં ટકાવારીમાં વધારો કર્યો છે. નવા દરો 1 જૂન, 2022થી અમલમાં આવ્યા છે. સ્વાભાવિક છે કે આ બંને બેંકોના દરમાં વધારાને કારણે લોન મોંઘી થશે અને તેની અસર EMI પર પણ જોવા મળશે.
PNBએ સ્ટોક એક્સચેન્જોને આપેલી માહિતીમાં જણાવ્યું છે કે MCLR દરમાં આ વધારો 1 જૂનથી લાગુ થઈ ગયો છે. PNB દ્વારા લોન પર વસૂલવામાં આવતા વ્યાજ દરમાં વધારો કરવાનો આ નિર્ણય ભારતીય રિઝર્વ બેંક દ્વારા રેપો રેટમાં વધારો કરવાના પગલા બાદ લેવામાં આવ્યો છે. રિઝર્વ બેંકે મેની શરૂઆતમાં રેપો રેટમાં 0.40 ટકાથી 4.40 ટકાનો વધારો કરવાની જાહેરાત કરી હતી.
