આ સરકારની ગેરંટીવાળી ડિપોઝિટ સ્કીમ સિંગલ અને સંયુક્ત ખાતાની સુવિધા આપે છે. એક ખાતામાં વધુમાં વધુ 9 લાખ રૂપિયા અને સંયુક્ત ખાતામાં વધુમાં વધુ 15 લાખ રૂપિયા જમા કરાવી શકાય છે. તમારી જમા રકમ સંપૂર્ણપણે સુરક્ષિત છે અને તમે દર મહિને વ્યાજમાંથી કમાણી કરો છો.
POMIS પર કેટલું વ્યાજ મળી રહ્યું છે
પોસ્ટ ઓફિસ એમઆઈએસમાં વધુમાં વધુ 5 વર્ષ માટે નાણાં જમા કરવામાં આવે છે. હાલમાં 7.4%ના દરે વ્યાજ આપવામાં આવી રહ્યું છે. જોઈન્ટ એકાઉન્ટ દ્વારા આ સ્કીમમાંથી 9,250 રૂપિયા સુધીની કમાણી કરી શકાય છે. આ સ્કીમ રિટાયર્ડ લોકો માટે ઘણી સારી માનવામાં આવે છે. જો પતિ-પત્ની સાથે મળીને તેમાં રોકાણ કરે તો તેઓ પોતાના માટે માસિક આવકની વ્યવસ્થા કરી શકે છે.
વાર્ષિક 1,11,000 રૂપિયા કેવી રીતે કમાઈ શકાય?
જો તમે જોઈન્ટ એકાઉન્ટમાં 15 લાખ રૂપિયા જમા કરો છો, તો તમને 7.4 ટકા વ્યાજના દરે એક વર્ષમાં 1,11,000 રૂપિયાની ગેરંટીકૃત આવક મળશે અને 5 વર્ષમાં તમે 1,11,000 x 5 = 5,55,000 રૂપિયા કમાઈ શકશો. જો તમે 1,11,000 રૂપિયાની વાર્ષિક વ્યાજની આવકને 12 ભાગમાં વહેંચો તો તે 9,250 રૂપિયા થશે. એટલે કે તમને દર મહિને 9,250 રૂપિયાની કમાણી થશે.
તમે એક ખાતામાં કેટલી આવક મેળવી શકો છો?
જો તમે પોસ્ટ ઓફિસ માસિક આવક યોજનામાં એક જ ખાતું ખોલો છો અને તેમાં રૂ. 9 લાખ જમા કરો છો, તો તમને એક વર્ષમાં વ્યાજ તરીકે રૂ. 66,600 મળી શકે છે અને પાંચ વર્ષમાં તમે માત્ર વ્યાજમાંથી રૂ. 66,600 x 5 = રૂ. 3,33,000 કમાઈ શકો છો. આ રીતે, તમે માત્ર વ્યાજથી દર મહિને રૂ. 66,600 x 12 = રૂ. 5,550 કમાઈ શકો છો.
ખાતું કોણ ખોલાવી શકે?
દેશનો કોઈપણ નાગરિક પોસ્ટ ઓફિસ માસિક આવક યોજનામાં ખાતું ખોલાવી શકે છે. બાળકના નામે પણ ખાતું ખોલાવી શકાય છે. જો બાળકની ઉંમર 10 વર્ષથી ઓછી હોય, તો તેના માતા-પિતા અથવા કાનૂની વાલી તેના નામે ખાતું ખોલાવી શકે છે. જ્યારે બાળક 10 વર્ષનું થાય છે, ત્યારે તેને પોતે ખાતું ઓપરેટ કરવાનો અધિકાર પણ મળી શકે છે.
