India Crime News: ઉત્તર પ્રદેશના મુઝફ્ફરનગરમાં સમાજને શરમાવે એવો એક કિસ્સો પ્રકાશમાં આવ્યો છે. પહેલા પિતા જેવા સસરાએ પુત્રવધૂને હવસનો શિકાર બનાવી. આ પછી પીડિત મહિલાના પતિએ પણ આ શરમજનક કૃત્યમાં પિતાનો વિરોધ કરવાની ના પાડી દીધી હતી. ઉલટું પતિએ પત્નીને એમ કહીને ઘરની બહાર કાઢી મૂકી હતી કે હવે તેના પિતાએ તેની સાથે શારીરિક સંબંધો બાંધ્યા છે, આ કારણે તે હવે તેના પિતાની પત્ની અને તેની માતા બની ગઈ છે. આવી સ્થિતિમાં તેને પોતાની પત્ની તરીકે પોતાની સાથે રાખવી તેના માટે હરામ છે. મહિલાએ તેના પતિ અને સસરા વિરુદ્ધ પોલીસમાં ફરિયાદ કરી છે.
26 વર્ષીય પીડિતાએ 7 સપ્ટેમ્બરે પોલીસને કરેલી ફરિયાદમાં જણાવ્યું હતું કે તેના લગ્ન એક વર્ષ પહેલા થયા હતા. ગયા મહિને 5 ઓગસ્ટના રોજ તેનો પતિ તેના બીમાર દર્દી માટે દવા લેવા ઘરની બહાર ગયો હતો. ત્યારે હું અને મારા સસરા ઘરમાં એકલા હતા. આ દરમિયાન તેના સસરાએ તેને બળજબરીથી પોતાની હવસનો શિકાર બનાવી હતી. તેના સાસરિયાઓએ પણ તેને માર માર્યો હતો અને બળાત્કારની વાત કોઈને કહીશ તો જાનથી મારી નાખવાની ધમકી આપી હતી.
મહિલાના કહેવા પ્રમાણે, જ્યારે તેણે તેના પતિને તેના સસરાના ગંદા કાર્યો વિશે જણાવ્યું તો તે તેના પર ગુસ્સે થઈ ગયો. તેણે મહિલાનો હાથ પકડીને તરત જ તેને ઘરની બહાર ફેંકી દીધી. ત્યારથી મહિલા તેના માતા-પિતા સાથે રહે છે. પોલીસ અનુસાર, મહિલાએ પોતાને સાત મહિનાની ગર્ભવતી હોવાનું પણ જાહેર કર્યું છે, પરંતુ તેણે તેની ફરિયાદમાં આ વાતનો ઉલ્લેખ કર્યો નથી.
પોલીસે મહિલાના સસરા અને તેના પતિ વિરુદ્ધ આઈપીસી કલમ 376 (જાતીય હુમલો અને બળાત્કાર), કલમ 323 (ઈરાદાપૂર્વક ઈજા પહોંચાડવી અથવા સજા કરવી) અને કલમ 506 (ગુનાહિત અધિનિયમ) હેઠળ કેસ નોંધ્યો છે. પોલીસે આ મામલે તપાસ શરૂ કરી છે. પીડિતાનું નિવેદન સીઆરપીસીની કલમ 164 હેઠળ મેજિસ્ટ્રેટ સમક્ષ નોંધવામાં આવ્યું છે. સ્ટેશન ઈન્ચાર્જના કહેવા પ્રમાણે, સસરાએ તેમના પર લાગેલા આરોપોને નકારી કાઢ્યા છે. ઉલટું, તેણે પીડિતા પર પૈસા વસૂલવા માટે દબાણ કરવાનો આરોપ લગાવ્યો છે.
.jpg)
