ખાનગી બેંક ICICI એ તેની ફિક્સ્ડ ડિપોઝિટ પરના વ્યાજ દરમાં વધારો કર્યો છે. છેલ્લા એક સપ્તાહમાં આ સતત બીજી વખત છે જ્યારે બેંકે વ્યાજદરમાં વધારો કર્યો છે. રિઝર્વ બેંક ઓફ ઈન્ડિયા (RBI) દ્વારા વ્યાજદરમાં વધારો કરવામાં આવ્યો ત્યારથી લગભગ તમામ બેંકોએ તેમના વ્યાજ દરોમાં સુધારો કર્યો છે. જેમાં તમામ મોટી સરકારી અને ખાનગી બેંકોનો સમાવેશ થાય છે. ICICI ઉપરાંત IndusInd અને Federal Bankએ પણ FDના વ્યાજ દરોમાં ફેરફાર કર્યો છે.
ICICI બેંકના ફિક્સ્ડ ડિપોઝિટના લેટેસ્ટ રેટ
ICICI બેંકે તેની ફિક્સ ડિપોઝિટના વ્યાજ દરોમાં સુધારો કર્યો છે. નવા દરો આજથી એટલે કે 22 જૂનથી લાગુ થશે. ICICI બેંકના ગ્રાહકોને હવે 7 દિવસથી 10 વર્ષ સુધીની FD પર 2.75 ટકાથી 5.75 ટકા વ્યાજ મળે છે. વરિષ્ઠ નાગરિકોને આમાં 0.50 ટકા વધારાના વ્યાજનો લાભ મળે છે.
ઇન્ડસઇન્ડ બેંકના ફિક્સ્ડ ડિપોઝિટના લેટેસ્ટ રેટ
ઇન્ડસઇન્ડ બેંકે તેની ફિક્સ્ડ ડિપોઝિટના વ્યાજ દરોમાં પણ ફેરફાર કર્યો છે. ગ્રાહકો માટે નવા દર 21 જૂન, 2022થી લાગુ થશે. ઇન્ડસઇન્ડ બેંકના ગ્રાહકોને હવે 7 દિવસથી 61 મહિનાની FD પર 3.25 ટકાથી 6.50 ટકા વ્યાજ મળે છે. વરિષ્ઠ નાગરિકોને આમાં 0.50 ટકા વધારાના વ્યાજનો લાભ મળે છે.
ફેડરલ બેંકના ફિક્સ્ડ ડિપોઝિટના લેટેસ્ટ રેટ
ICICI બેંક અને IndusInd બેંકની જેમ, ફેડરલ બેંકે પણ તેની ફિક્સ્ડ ડિપોઝિટ (ફેડરલ બેંક FD દરો) બદલ્યા છે. નવા દરો આજથી એટલે કે 22 જૂન, 2022થી લાગુ થશે. ફેડરલ બેંકના ગ્રાહકોને હવે 7 દિવસથી 75 મહિનાની FD પર 2.75 ટકાથી 5.95 ટકા વ્યાજ મળે છે. વરિષ્ઠ નાગરિકોને આમાં 0.50 ટકાથી વધુના વધારાના વ્યાજનો લાભ મળે છે.
