નવું નાણાકીય વર્ષ 1 એપ્રિલથી શરૂ થશે અને તેની સાથે ઈન્કમ ટેકસ સંબંધિત તમામ સમયમર્યાદા પણ સમાપ્ત થઈ જશે. 31 માર્ચની સમયમર્યાદામાં, તમારે આવા ઘણા કાર્યોનો સામનો કરવો પડશે. જેને ન કરવાથી તમારે મુશ્કેલીનો સામનો કરવો પડશે. અમે તમને ઈન્કમ ટેક્સ સાથે જોડાયેલા આવા ચાર કામ જણાવી રહ્યા છીએ, જે 31 માર્ચ પહેલા પૂર્ણ થઈ જવા જોઈએ.
એડવાન્સ ઇન્કમટેક્સ
જો કોઈપણ કરદાતાની 10 હજાર રૂપિયાથી વધુની ટેક્સ જવાબદારી હોય, તો તેણે તેને એડવાન્સ ઈન્કમ ટેક્સના રૂપમાં ચૂકવવી પડશે. જે 31મી માર્ચ પહેલા ચૂકવી દેવું વધુ સારું રહેશે. એડવાન્સ ટેક્સ નાણાકીય વર્ષમાં ચાર વખત જમા થાય છે. 15 જૂન, 15 સપ્ટેમ્બર, 15 ડિસેમ્બર અને 15 માર્ચ પરંતુ જો તમે 31 માર્ચ સુધીમાં તમારા એડવાન્સ ટેક્સના 90% ચૂકવતા નથી, તો તમારે વધારાનું વ્યાજ પણ ચૂકવવું પડશે.
2020-21 માટે ઈન્કમ ટેકસ રિટર્ન
જો તમે છેલ્લા નાણાકીય વર્ષ એટલે કે 2020-21ના આવકવેરા રિટર્નમાં સુધારો કરવા માંગો છો, તો તમારી પાસે આ મહિનાની તક છે. 31 માર્ચ પછી, તમને નાણાકીય વર્ષ 2020-21 માટે ITR ફાઇલ કરવાની કે તેમાં સુધારો કરવાની સુવિધા મળશે નહીં. આવકવેરા રિટર્ન ન ભરવા અથવા ઓછી આવક દર્શાવવા બદલ તમારે દંડ પણ ભરવો પડી શકે છે.
PAN ને આધાર સાથે લિંક કરો
આ કામ તમારે પહેલા કરવું જોઈએ. જો તમે હજુ સુધી PAN ને આધાર સાથે લિંક કર્યું નથી, તો આ કામ 31 માર્ચ પહેલા કરી લેવું જોઈએ. આધારને PAN સાથે લિંક કરવાની મર્યાદા પહેલાથી જ ઘણી વખત વધારી દેવામાં આવી છે. શક્ય છે કે આ વખતે સરકાર તેની સમયમર્યાદામાં કોઈ ફેરફાર નહીં કરે અને જો તમે તમારા પાન-આધારને લિંક નહીં કરાવો તો આવકવેરા વિભાગ કાર્યવાહી કરી શકે છે.
ટેકસ સેવિંગ માટે રોકાણ
જો તમે હજુ સુધી 2021-22 માટે ટેક્સ મુક્તિ વિકલ્પોમાં રોકાણ નથી કર્યું, તો તેની અંતિમ તારીખ પણ 31 માર્ચ છે. આવકવેરાની કલમ 80C હેઠળ, તમે વાર્ષિક રૂ. 1.5 લાખ સુધીના રોકાણ પર કર મુક્તિનો દાવો કરી શકો છો. તમે જીવન વીમા, પીપીએફ, મ્યુચ્યુઅલ ફંડની ટેક્સ સેવિંગ સ્કીમમાં પૈસા રોકીને તેનો લાભ લઈ શકો છો, પરંતુ તમારે આ કામ 31 માર્ચ પહેલા પૂર્ણ કરવું પડશે.
