પીએમ કિસાન સન્માન નિધિ યોજના 2022માં મોટો ફેરફાર થયો છે, જેની સીધી અસર 12 કરોડ 44 લાખથી વધુ ખેડૂતોને થશે. આ ફેરફાર એવા સમયે આવ્યો છે જ્યારે ઉત્તર પ્રદેશ, પંજાબ સહિત 5 રાજ્યોમાં ચૂંટણીનું બ્યુગલ ફૂંકાયું છે અને 10 ફેબ્રુઆરીથી મતદાન પણ શરૂ થઈ રહ્યું છે. આ ફેરફારને કારણે હવે લાભાર્થીઓ પાસેથી વિશેષ સુવિધા છીનવી લેવામાં આવી છે.
પીએમ કિસાન સન્માન નિધિ યોજનાની શરૂઆતથી અત્યાર સુધીમાં 7 ફેરફારો થયા છે. થોડા દિવસો પહેલા, લાભાર્થીઓ માટે ઇ-કેવાયસી કરવું ફરજિયાત બનાવવામાં આવ્યું હતું, જો કે તે થોડા દિવસો માટે હોલ્ડ પર રાખવામાં આવ્યું છે. જે ફેરફાર થયો છે તેનાથી લાભાર્થીઓને થોડી અસુવિધા થશે. જણાવી દઈએ કે પીએમ કિસાન સન્માન નિધિ પોર્ટલ મુજબ હવે નોંધાયેલા ખેડૂતોની સંખ્યા વધીને 12.44 કરોડ થઈ ગઈ છે.
શું બદલાયું છે?
મોદી સરકારે આ યોજનામાં મોટો ફેરફાર કરીને ખેડૂતોને ભેટ આપી છે. તે બદલાવ એ હતો કે રજીસ્ટ્રેશન પછી તમે તમારૂ સ્ટેટ્સ જાતે જ ચકાસી શકો છો. જેમ કે તમારી અરજીની સ્થિતિ શું છે, તમારા બેંક ખાતામાં કેટલો હપ્તો આવ્યો છે વગેરે. હવે PM કિસાન પોર્ટલ પર જઈને કોઈપણ ખેડૂત પોતાનો આધાર નંબર, મોબાઈલ અથવા બેંક એકાઉન્ટ નંબર દાખલ કરીને સ્થિતિની માહિતી મેળવી શકશે.
હવે નવીનતમ ફેરફારોને કારણે, તમે PM કિસાન પોર્ટલ પર મોબાઇલ નંબર પરથી તમારું સ્ટેટસ જોઈ શકશો નહીં. હવે તમે ફક્ત તમારા આધાર નંબર અથવા બેંક એકાઉન્ટ નંબર દ્વારા સ્ટેટસ જાણી શકશો.
ફેરફારની જરૂર કેમ પડી?
મોબાઈલ નંબર પરથી સ્ટેટસ ચેક કરવામાં ઘણી સગવડ હતી એમાં કોઈ શંકા નથી. તે જ સમયે, તેના ગેરફાયદા પણ ઘણા હતા. વાસ્તવમાં ઘણા લોકો કોઈનો મોબાઈલ નંબર નાખીને સ્ટેટસ ચેક કરતા હતા. આવી સ્થિતિમાં અન્ય લોકો ખેડૂતો વિશે ઘણી માહિતી મેળવતા હતા. હવે તે કરવું મુશ્કેલ છે.
