હવે બેંક ખાતામાંથી પૈસા ટ્રાન્સફર કરવામાં નિયમો બદલાશે, આરબીઆઇ નો મહત્વનો નિર્ણય
રિઝર્વ બેંક ઓફ ઈન્ડિયા (RBI) એ ઓનલાઈન મની ટ્રાન્સફરમાં થતી ગેરરીતિઓને રોકવા માટે એક મોટું પગલું ભર્યું છે. આ અંતર્ગત, સેન્ટ્રલ બેંકે નેશનલ પેમેન્ટ્સ કોર્પોરેશન ઓફ ઈન્ડિયા (NPCI) ને એવી સુવિધા વિકસાવવા કહ્યું છે જે RTGS અને NEFT નો ઉપયોગ કરતા ગ્રાહકોને જે બેંક ખાતામાં પૈસા મોકલવામાં આવી રહ્યા છે તેનું નામ ચકાસવા દે.
રિપોર્ટ અનુસાર, આ સિસ્ટમ 1 એપ્રિલ, 2025થી લાગુ કરવામાં આવશે. રિઝર્વ બેંક દ્વારા સોમવારે જારી કરાયેલા એક પરિપત્રમાં કહેવામાં આવ્યું છે કે 'રિયલ ટાઈમ ગ્રોસ સેટલમેન્ટ' (RTGS) અને NEFT સિસ્ટમ સાથે પ્રત્યક્ષ કે પરોક્ષ રીતે સંકળાયેલી તમામ બેંકોને 1 એપ્રિલ, 2025 પહેલા આ સુવિધા પૂરી પાડવાની સલાહ આપવામાં આવે છે.
હાલમાં, યુનિફાઇડ પેમેન્ટ્સ ઇન્ટરફેસ (UPI) અને તાત્કાલિક ચુકવણી સેવા (IMPS) મિકેનિઝમ્સ હેઠળ, રેમિટર્સ પાસે પ્રક્રિયા શરૂ કરતા પહેલા લાભાર્થીનું નામ ચકાસવાની સુવિધા છે. RBIએ પણ આવી જ સુવિધા ઊભી કરવાનો નિર્ણય લીધો છે. આનાથી RTGS અથવા NEFT સિસ્ટમનો ઉપયોગ કરીને ટ્રાન્ઝેક્શન શરૂ કરતા પહેલા રેમિટરને લાભાર્થીના બેંક ખાતાના નામની ચકાસણી કરવાની મંજૂરી મળશે.
શું તમારે સફેદ દાગથી છુટકારો મેળવવો છે... તો વધુ માહિતી માટે અહીંયા ક્લિક કરો.
આરબીઆઈએ તમામ બેંકોને આ આદેશ આપ્યો છે
આરબીઆઈએ નેશનલ પેમેન્ટ્સ કોર્પોરેશન ઓફ ઈન્ડિયા (NPCI)ને આ સુવિધા વિકસાવવા અને તમામ બેંકોને તેમાં સામેલ કરવાની સલાહ આપી છે. તેમાં કહેવામાં આવ્યું છે કે જે બેંકો RTGS અને NEFT સિસ્ટમની સહભાગી છે તેઓ તેમના ગ્રાહકોને ઇન્ટરનેટ બેંકિંગ અને મોબાઇલ બેંકિંગ દ્વારા આ સુવિધા પૂરી પાડશે. આ સુવિધા બેંક શાખાઓની મુલાકાત લેનારા લોકો માટે પણ ઉપલબ્ધ હશે.
કેન્દ્રીય બેંકના પરિપત્રમાં જણાવાયું છે કે આ પહેલનો ઉદ્દેશ્ય RTGS અને NEFT સિસ્ટમનો ઉપયોગ કરીને નાણાં મોકલનારાઓ દ્વારા થતી ગેરરીતિઓ અને છેતરપિંડીઓને રોકવાનો છે. આ સિસ્ટમ હેઠળ, પૈસા મોકલવાની પ્રક્રિયા શરૂ કરતા પહેલા, જે બેંક ખાતામાં પૈસા ટ્રાન્સફર કરવામાં આવી રહ્યા છે તેના નામની ચકાસણી કરવાની સુવિધા હશે. આ ભૂલો અને છેતરપિંડી અટકાવશે.
પૈસા મોકલતા પહેલા નામ દેખાશે
આ સુવિધા દ્વારા, લાભાર્થીના ખાતાનું નામ બેંકના 'કોર બેંકિંગ સોલ્યુશન' (CBS) માંથી લાભાર્થીના ખાતા નંબર અને મોકલનાર દ્વારા દાખલ કરાયેલ IFSCના આધારે મેળવવામાં આવશે. તે કહે છે, "લાભાર્થી બેંક દ્વારા પ્રદાન કરવામાં આવેલ લાભાર્થીનું નામ પ્રેષકને દર્શાવવામાં આવશે, જો કોઈ કારણોસર લાભાર્થીનું નામ દર્શાવી શકાતું નથી, તો પ્રેષક તેના વિવેકબુદ્ધિથી નાણાં મોકલવા માટે પગલાં લઈ શકે છે.
