લોકો પોતાનાં વધુ પડતાં કાર્યો ઓનલાઇન કરી રહ્યા છે. આ કાર્યો માટે ઇન્ટરનેટ સેવાનો પણ ભરપૂર ઉપયોગ કરવામાં આવે છે. ક્યારેક ઇન્ટરનેટની સારી સ્પીડ હોય તો કાર્ય ઝડપથી થઇ જાય છે તો ક્યારેક ઇન્ટરનેટ આ કાર્યોને અટકાવી પણ દે છે. જો તમારે ઇમરજન્સી કોઇ પેમેન્ટ કરવાનું હોય પણ ત્યાં ઈન્ટરનેટ કનેક્શન ન આવતું હોય તો તમારું પેમેન્ટ અટકી પડશે પરંતુ હવે આવું નહિ થાય જાણો છો કઇ રીતે?
હવે Paytm લાવ્યું છે પેમેન્ટ કરવાની સરળ રીત. જેમાં ઈન્ટરનેટ વગર ગમે ત્યારે પેમેન્ટ કરી શકાશે. ડિજિટલ પેમેન્ટ કંપની Paytm દ્વારા તેના વપરાશકર્તાઓ માટે એક નવું ફીચર 'Tap to Pay' લોન્ચ કરવામાં આવ્યું છે. જેના થકી વપરાશકર્તાઓ તેમના Paytm રજિસ્ટર્ડ કાર્ડ દ્વારા તાત્કાલિક ચુકવણી કરી શકે છે. આ માટે વપરાશકર્તાઓ તેમના ફોનને POS મશીન પર ટેપ કરવાનો રહેશે. 'Tap to Pay' દ્વારા પેમેન્ટ કરવા માટે ઇન્ટરનેટ કનેક્શનની જરૂર નહીં પડે. એટલું જ નહીં, જો તમારો ફોન લોક હોય તો પણ તમે આ ફીચર દ્વારા પેમેન્ટ કરી શકશો.
'Tap to Pay' નો ઉપયોગ
આ 'ટેપ ટુ પે' સેવા એન્ડ્રોઇડ તેમજ iOS વપરાશકર્તાઓ માટે શરૂ કરવામાં આવી છે, જેના દ્વારા Paytm ઓલ-ઇન-વન POS ઉપકરણો અને અન્ય બેંકોના POS મશીનો ચૂકવણી કરી શકે છે. વપરાશકર્તાઓ Paytm એપ પર સાચવેલા તેમના ડેબિટ અથવા ક્રેડિટ કાર્ડનો ઉપયોગ કરીને સરળતાથી 'Tap to Pay' સેવાને સક્રિય કરી શકે છે. આ સેવાનો લાભ લેવા Paytm એપ પર 'ટૅપ ટુ પે' વિકલ્પનો ઉપયોગ કરવાની સંપૂર્ણ રીત નીચે આપેલી છે.
- પહેલાં, કાર્ડ લિસ્ટમાંથી સાચો કાર્ડ પસંદ કરવું અથવા 'Tap to Pay' હોમ સ્ક્રીન પર "Add New Card" પર ક્લિક કરવું.
- તેમાં જરૂરી કાર્ડ સંબંધિત વિગતો દાખલ કરવી.
- 'Tap to Pay' માટે કાર્ડ રજૂકર્તાની સેવાની શરતો સ્વીકારવી.
- કાર્ડ સાથે નોંધાયેલ તમારા મોબાઈલ નંબર (અથવા ઈમેલ આઈડી) પર OTP મોકલવામાં આવશે.
- OTP ભર્યા પછી, તમે ટેપ ટુ પે હોમ સ્ક્રીનની ટોચ પર સક્રિય કાર્ડ જોઈ શકો છો.
કાર્ડની વિગતો તૃતીય પક્ષો સાથે શેર કરવામાં આવતી નથી
Paytm પસંદ કરેલા કાર્ડના 16 અંકના પ્રાથમિક એકાઉન્ટ નંબર (PAN) ને સુરક્ષિત ટ્રાન્ઝેક્શન કોડ અથવા ડિજિટલ ઓળખમાં રૂપાંતરિત કરે છે. આના દ્વારા કાર્ડ પેમેન્ટ સુરક્ષિત છે. આમાં, વપરાશકર્તાની કાર્ડની વિગતો વપરાશકર્તા જ પાસે હોય છે અને તેને કોઈપણ થર્ડ પાર્ટી પેમેન્ટ પ્રોસેસર સાથે શેર કરવામાં આવતી નથી. આ હેઠળ, વપરાશકર્તાને રિટેલ આઉટલેટ્સ પર ચુકવણી કરવા માટે તેના કાર્ડની વિગતો કોઈની સાથે શેર કરવાની જરૂર રહેશે નહીં અને POS ઉપકરણો દ્વારા સરળતાથી ચુકવણી કરી શકશે. આ દ્વારા, તમામ રિટેલ આઉટલેટ્સ પર ચુકવણી કરી શકાય છે જ્યાં કાર્ડ મશીન છે. Paytm એપ પર ડેડિકેટેડ ડેશબોર્ડ દ્વારા કાર્ડને મેનેજ કરી શકાય છે. ડેશબોર્ડ દ્વારા, વપરાશકર્તાઓ જ્યારે જરૂર પડે ત્યારે કાર્ડને બદલી અથવા ડી-ટોકનાઇઝ કરી શકે છે.
