પંજાબ નેશનલ બેંક (PNB)માં ખાતું ધરાવતા ગ્રાહકો માટે આ સમાચાર ખૂબ જ મહત્વપૂર્ણ છે. PNB ટૂંક સમયમાં તેના ગ્રાહકોની સુવિધા માટે વેરિફિકેશન સિસ્ટમ લાગુ કરવા જઈ રહ્યું છે. જે ગ્રાહકો માટે ખૂબ જ ફાયદાકારક સાબિત થશે. ગ્રાહકોની સુવિધા માટે, PNB હંમેશા નવા નિયમો લાગુ કરે છે, જેથી ગ્રાહકોને સારી અને સુરક્ષિત સેવાઓ પૂરી પાડી શકાય.
PNB આજથી એટલે કે 4 એપ્રિલ, 2022 થી પોઝિટિવ પે સિસ્ટમ (PPS) લાગુ કરવા જઈ રહ્યું છે. આ સિસ્ટમમાં ગ્રાહક દ્વારા જમા કરાયેલા ચેક પેમેન્ટનું વેરિફિકેશન કરવામાં આવશે. જો આ નિયમ પછી કોઈ પુષ્ટિ ન થાય તો ચેક પણ પરત કરી શકાય છે.
આ જાણકારી PNB બેંક દ્વારા ગત દિવસે આપવામાં આવી છે. આ માહિતી બેંક દ્વારા બેંકની સત્તાવાર વેબસાઇટ પર આપવામાં આવી છે. જો ગ્રાહક બેંક શાખા દ્વારા અથવા ડિજિટલ ચેનલ દ્વારા રૂ. 10 લાખ કે તેથી વધુ રકમનો ચેક જમા કરાવે તો PPS કન્ફર્મેશન ફરજિયાત રહેશે. આ માટે, સબસ્ક્રાઇબરે તેનો એકાઉન્ટ નંબર, ચેક નંબર, ચેક આલ્ફા, ચેકની તારીખ, ચેકની રકમ અને લાભાર્થીનું નામ આપવું પડશે.
શું છે PPS સિસ્ટમ
પોઝિટિવ પે સિસ્ટમ એ એક પ્રકારનું સાધન છે, જે છેતરપિંડીથી ચેકમાં કોઈપણ પ્રકારની હેરાફેરી કરતા લોકો માટે ખૂબ જ અસરકારક છે. પોઝિટિવ પે સિસ્ટમ હેઠળ, જ્યારે ગ્રાહક ચેક આપે છે, ત્યારે તેણે તેની બેંકને સંપૂર્ણ વિગતો આપવી પડશે. જેમાં ચેકની તારીખ, લાભાર્થીનું નામ, એકાઉન્ટ નંબર, કુલ રકમ અને અન્ય જરૂરી માહિતી એટીએમ અથવા મોબાઈલ બેંકિંગ દ્વારા ઈલેક્ટ્રોનિક રીતે બેંકને આપવાની રહેશે. આ સિસ્ટમથી જ્યાં ચેક દ્વારા પેમેન્ટ સુરક્ષિત રહેશે ત્યાં ક્લિયરન્સમાં પણ ઓછો સમય લાગશે. આ સિસ્ટમ સરળ અને સલામત પ્રક્રિયા છે.
બેંક વિગતો માટે અહીં સંપર્ક કરો
વધુ વિગતો માટે, PNB ગ્રાહકો 1800-103-2222 અથવા 1800-180-2222 પર કૉલ કરી શકે છે. અથવા બેંકની વેબસાઈટ પર જઈ શકો છો.
