ઘરની બહાર નીકળતા પહેલા જાણી લેજો આગાહી, 48 કલાક સુધી મેઘો બોલાવશે ધબડાસટી

ગુજરાતમાં હજી 48 કલાક વરસાદ ભુક્કા બોલાવશે એવું દેખાઈ રહ્યું છે. હવામાન વિભાગે 21 અને 22મી ઓગસ્ટના રોજ ભારેથી અતિભારે વરસાદની આગાહી આપી છે. ત્યારે આગામી સાત દિવસ ગુજરાતમાં વરસાદનું જોર કેવું હશે તે અંગેની હવામાન વિભાગની આગાહી જોઈએ.

નોંધનીય છે કે, સાર્વત્રિક વરસાદના પરિણામે રાજ્યની જીવાદોરી સમાન સરદાર સરોવર ડેમ 79.37 ટકા ભરાયેલો છે. સરદાર સરોવર સિવાય રાજ્યના કુલ 206 ડેમમાંથી 55 ડેમ 100 ટકા ભરાયેલા છે. જ્યારે 66 ડેમ 70થી 100 ટકા, 36 ડેમ 50થી 70 ટકા, 30 ડેમ 25 ટકાથી 50 ટકા વચ્ચે અને 19 ડેમ 25 ટકાથી ઓછા ભરાયેલા છે. રાજ્યમાં હાલમાં 70 ડેમ હાઈ એલર્ટ, 35 ડેમ એલર્ટ તથા 16 ડેમ વોર્નિંગ એલર્ટ પર રાખવામાં આવ્યા છે.

48 કલાક સુધી ભુક્કા બોલાવશે વરસાદ! ભારેથી અતિભારે વરસાદની આગાહી

આજે કચ્છ, સાબરકાંઠા, અરવલ્લી, મહીસાગરમાં ઓરેન્જ એલર્ટ સાથે અતિભારે વરસાદની આગાહી આપી છે. આ ઉપરાંત દ્વારકા, જામનગર, મોરબી, સુરેન્દ્રનગર, અમદાવાદ, ગાંધીનગર, બનાસકાંઠા, પાટણ, મહેસાણા, ખેડા, પંચમહાલ, દાહોદ, તાપી, નવસારી, ડાંગ, વલસાડમાં યલો એલર્ટ સાથે ભારે વરસાદની આગાહી આપવામાં આવી છે

22મી તારીખે કચ્છ, સાબરકાંઠા, અરવલ્લી, મહીસાગરમાં ઓરેન્જ એલર્ટ સાથે અતિભારે વરસાદની આગાહી આપી છે. આ ઉપરાંત મોરબી, સુરેન્દ્રનગર, ગાંધીનગર, બનાસકાંઠા, પાટણ, મહેસાણા, ખેડા, પંચમહાલ, દાહોદ, ભરૂચ, સુરત, તાપી, નવસારી, ડાંગ, વલસાડમાં યલો એલર્ટ સાથે ભારે વરસાદની આગાહી આપવામાં આવી છે. આ ઉપરાંતના તમામ જિલ્લામાં કોઈ ચેતવણી આપવામાં આવી નથી.

23મી તારીખે બનાસકાંઠા, સાબરકાંઠા, અમરેલી, ભાવનગરમાં ઓરેન્જ એલર્ટ સાથે અતિભારે વરસાદની આગાહી આપી છે. આ સાથે કચ્છ, બોટાદ, ગીરસોમનાથ, ગાંધીનગર, અમદાવાદ, પાટણ, મહેસાણા, ખેડા, અરવલ્લી, મહીસાગર, ભરૂચ, સુરત, તાપી, નવસારી, ડાંગ, વલસાડમાં યલો એલર્ટ સાથે ભારે વરસાદની આગાહી આપવામાં આવી છે. આ ઉપરાંતના તમામ જિલ્લામાં કોઈ ચેતવણી આપવામાં આવી નથી.

24મી તારીખે મહેસાણા, સાબરકાંઠા, અરવલ્લી, અમરેલી, ભાવનગરમાં ઓરેન્જ એલર્ટ સાથે અતિભારે વરસાદની આગાહી આપી છે. આ બોટાદ, ગીરસોમનાથ, ગાંધીનગર, અમદાવાદ, પાટણ, બનાસકાંઠા, મહીસાગર, પંચમહાલ, મહીસાગર, દાહોદ, નવસારી, વલસાડમાં યલો એલર્ટ સાથે ભારે વરસાદની આગાહી આપવામાં આવી છે. આ ઉપરાંતના તમામ જિલ્લામાં કોઈ ચેતવણી આપવામાં આવી નથી.

25મી તારીખે સુરેન્દ્રનગર, બોટાદ, ભાવનગર, અરવલ્લી, મહીસાગર, દાહોદ, છોટાઉદેપુરમાં ઓરેન્જ એલર્ટની સાથે અતિભારે વરસાદની આગાહી આપી છે. આ સાથે અમરેલી, મહેસાણા, સાબરકાંઠા, ગાંધીનગર, અમદાવાદ, ખેડા, આણંદ, પંચમહાલ, વડોદરા, નર્મદા, નવસારી, વલસાડમાં યલો એલર્ટની સાથે ભારે વરસાદની આગાહી આપવામાં આવી છે.

26મી તારીખે ગીરસોમનાથ, અમરેલી, બોટાદ, ભાવનગર, અરવલ્લી, મહીસાગર, ખેડા, આણંદ, આણંદ, પંચમહાલ, વડોદરા, નર્મદા, દાહોદ, છોટા ઉદેપુર, નર્મદા, ભરુચ, સુરત, તાપી, નવસારી, વલસાડ, ડાંગમાં યલો એલર્ટની સાથે ભારે વરસાદની આગાહી આપવામાં આવી છે.