વિડિયોભારતીય રિઝર્વ બેંક (RBI) એ સોમવારે ગામડાઓ અને શહેરોમાં ડિજિટલ ટ્રાન્જેક્શનને પ્રોત્સાહન આપવા માટે એક માળખું બહાર પાડ્યું છે. આ અંતર્ગત, પ્રતિ ટ્રાન્ઝેક્શન 200 રૂપિયા સુધીની ઑફલાઇન ચુકવણીની મંજૂરી આપવામાં આવી છે. તેની કુલ મર્યાદા 2,000 રૂપિયા હશે. ઑફલાઇન ડિજિટલ પેમેન્ટ એ એવા વ્યવહારનો ઉલ્લેખ કરે છે જેને ઇન્ટરનેટ અથવા ટેલિકમ્યુનિકેશન કનેક્ટિવિટીની જરૂર નથી. ઑફલાઇન મોડમાં, રૂબરૂ ચૂકવણી કોઈપણ માધ્યમ જેમ કે કાર્ડ, વૉલેટ અને મોબાઇલ ઉપકરણો દ્વારા કરી શકાય છે. આરબીઆઈએ કહ્યું કે આવી ચૂકવણી ફક્ત સામસામે થઈ શકે છે.
6 ઓગસ્ટ 2020 ના રોજ જાહેર
તમને જણાવી દઈએ કે રિઝર્વ બેંકે 6 ઓગસ્ટ 2020ના રોજ આ સુવિધાની જાહેરાત કરી હતી. તેનું પરીક્ષણ ચાલી રહ્યું હતું. સપ્ટેમ્બર 2020 થી જૂન 2021 સુધી ત્રણ પાઇલોટ્સ સફળતાપૂર્વક ચલાવવામાં આવ્યા હતા, ત્યારપછી દેશભરમાં આ સુવિધા શરૂ કરવાની જાહેરાત કરવામાં આવી છે.
જાણો RBIએ શું કહ્યું?
રિઝર્વ બેંક ઓફ ઈન્ડિયાએ જણાવ્યું હતું કે, વ્યવહારો ઓફલાઈન હોવાથી ગ્રાહકને ચેતવણી (એસએમએસ અને/અથવા ઈ-મેલ દ્વારા) પ્રાપ્ત થશે. આરબીઆઈના જણાવ્યા અનુસાર, આ પેમેન્ટ કાર્ડ, વોલેટ અથવા મોબાઈલ ડિવાઈસ અથવા અન્ય કોઈ માધ્યમથી થઈ શકે છે. આ માટે અન્ય કોઈપણ પ્રકારના વેરિફિકેશનની જરૂર રહેશે નહીં. આમાં, એક વખતની ચુકવણીની મહત્તમ મર્યાદા રૂ. 200 હશે. જો કે, કોઈપણ સમયે તેના દ્વારા કુલ ચૂકવણી પર 2,000 રૂપિયા સુધીની મર્યાદા હશે. આરબીઆઈના જણાવ્યા અનુસાર, ટ્રાન્ઝેક્શન થતાંની સાથે જ PSO યુઝર્સને ટ્રાન્ઝેક્શનની રકમ વિશે વાસ્તવિક સમયની માહિતી આપશે.
જાણો શું છે હેતુ
આરબીઆઈના જણાવ્યા અનુસાર, દૂરના વિસ્તારોમાં ઈન્ટરનેટનો અભાવ અથવા તેની ઓછી સ્પીડ ડિજિટલ પેમેન્ટના માર્ગમાં મોટો અવરોધ છે. તેને ધ્યાનમાં રાખીને કાર્ડ, વોલેટ અને મોબાઈલ ડિવાઈસ દ્વારા ઓફલાઈન પેમેન્ટનો વિકલ્પ ઉપલબ્ધ કરાવવામાં આવી રહ્યો છે. આનાથી ડિજિટલ પેમેન્ટને વધુ પ્રોત્સાહન મળવાની અપેક્ષા છે. આમાં ફરિયાદોના નિરાકરણની આ સિસ્ટમ નિયમ આધારિત અને પારદર્શક હશે.
