દરેક વ્યક્તિ શાકભાજીના વધતા ભાવથી વાકેફ છે, પરંતુ જરા વિચારો કે જો તમને કોઈ એકકિલો ભીંડા માટે 800 રૂપિયા ચૂકવવાનુ કહે તો તમે શું કરશો? મધ્યપ્રદેશની રાજધાની ભોપાલના ખેડૂત મિશ્રીલાલ રાજપૂત આ દિવસોમાં ખાસ પ્રકારના લાલ ભીંડાની ખેતીને કારણે ચર્ચામાં છે, કારણ કે બજારમાં લાલ ભીંડાની કિંમત સામાન્ય ભીંડા કરતા ઘણી ગણી વધારે છે તેમજ લાલ ભીંડાની ખેતીમાં વધારો થયો છે અને મિશ્રીલાલ રાજપૂતને સમૃદ્ધ બનાવ્યા છે. હવે દૂર દૂરથી આવતા ખેડૂતો મિશ્રીલાલ રાજપૂત પાસેથી લાલ ભીંડાની ખેતી વિશે માહિતી લઈ રહ્યા છે અને તેની પદ્ધતિ જાણવાનો પ્રયાસ પણ કરી રહ્યા છે.
આમાં, રસપ્રદ બાબત એ છે કે આ લાલ ભીંડાની કિંમત બજારમાં 250 ગ્રામ/500 ગ્રામ દીઠ 300 થી 400 રૂપિયા છે. જેથી સ્પષ્ટ થાય છે કે મિશ્રીલાલ રાજપૂતને બજારમાં લાલ ભીંડાની કિંમત 800 રૂપિયા પ્રતિ કિલો મળી રહી છે.
ભોપાલના ખેડૂત મિશ્રીલાલ રાજપૂત લાલ ભીંડાની ખેતીની તાલીમ લેવા બનારસ ગયા હતા. ત્યાં તેમણે ઇન્ડિયન ઇન્સ્ટિટ્યૂટ ઓફ વેજીટેબલ રિસર્ચ સેન્ટરમાં લાલ ભીંડાની ખેતીની પદ્ધતિ શીખી હતી. તમને જણાવી દઈએ કે અગાઉ આ પ્રકારની ભીંડા ની ખેતી યુરોપિયન દેશોમાં થતી હતી અને ભારતીય બજારોમાં આયાત કરવામાં આવતી હતી.
40 દિવસમાં ઉગી જાય છે લાલ ભીંડો: ભીંડાની ખેતી કરનાર ખેડૂત મિશ્રીલાલ રાજપૂતના જણાવ્યા મુજબ, તેણે જુલાઈના પ્રથમ સપ્તાહમાં વાવણી કરી હતી. 40 દિવસ પછી, ભીંડા ની સંખ્યા વધવા લાગી. તેમણે કહ્યું કે એક એકરમાં ઓછામાં ઓછી 40-50 ક્વિન્ટલ અને વધુમાં વધુ 70-80 ક્વિન્ટલ લાલ ભીંડો ઉગાડી શકાય છે.
કૃષિ સંશોધન સંસ્થામાંથી બીજ ખરીદી શકાય છે. મિશ્રીલાલે જણાવ્યું કે તેમણે વારાણસી સ્થિત કૃષિ સંશોધન સંસ્થામાંથી લાલ ભીંડાના બીજ ખરીદ્યા હતા. તેમજ ભીંડાની ખેતી માટે કોઈપણ પ્રકારના જંતુનાશકનો ઉપયોગ કરવામાં આવ્યો ન હતો. જે લોકો લાલ ભીંડાના બીજ ખરીદવા માંગતા હોય તેઓ તેને કોઈપણ કૃષિ સંશોધન સંસ્થામાંથી ખરીદી શકે છે.
