જ્યારે પણ બચતની વાત થાય છે ત્યારે ફિક્સ ડિપોઝીટ એટલે કે બેંકોની એફડીનું નામ ચોક્કસપણે સામે આવે છે. ફિક્સ્ડ ડિપોઝિટમાં તમારું રોકાણ સલામત છે, અને તમને ખાતરીપૂર્વકનું વળતર પણ મળે છે. જો તમે FDમાં રોકાણ કરવાનું વિચારી રહ્યા છો તો આ સમાચાર તમારા માટે ઉપયોગી છે. ઓક્ટોબર 2024 માં, શિવાલિક સ્મોલ ફાઇનાન્સ બેંક, ઇન્ડસઇન્ડ બેંક, ફેડરલ બેંક, પંજાબ અને સિંધ બેંક, બેંક ઓફ બરોડા અને પંજાબ નેશનલ બેંક સહિત 7 બેંકોએ તેમના FD વ્યાજ દરોમાં સુધારો કર્યો છે.
શિવાલિક સ્મોલ ફાઇનાન્સ બેંક
શિવાલિક સ્મોલ ફાઇનાન્સ બેંકે 24 ઓક્ટોબરે વ્યાજ દરોમાં ફેરફાર કર્યો હતો. બેંક FD પર ગ્રાહકોને 3.5 ટકાથી 8.3 ટકા સુધીનું વ્યાજ આપી રહી છે, જ્યારે વરિષ્ઠ નાગરિકોને આપવામાં આવતું વ્યાજ 4 ટકાથી 8.8 ટકાની રેન્જમાં છે. 18 મહિનાથી 24 મહિનાના સમયગાળા માટે FD પર સૌથી વધુ વ્યાજ આપવામાં આવી રહ્યું છે, જે સામાન્ય ગ્રાહકો માટે 8.30 ટકા અને વરિષ્ઠ નાગરિકો માટે 8.80 ટકા છે.
ઇન્ડસઇન્ડ બેંક
ઇન્ડસઇન્ડ બેંકે 7 ઓક્ટોબરે વ્યાજ દરોમાં ફેરફાર કર્યો હતો. બેંક સામાન્ય ગ્રાહકોને FD પર 3.5 ટકાથી 7.75 ટકા સુધીનું વ્યાજ આપી રહી છે જ્યારે વરિષ્ઠ નાગરિકોને તે 4 ટકાથી 8.25 ટકા સુધીનું વ્યાજ આપી રહી છે. 1 થી 2 વર્ષની મુદતવાળી FD પર સૌથી વધુ વ્યાજ આપવામાં આવે છે.
IDFC ફર્સ્ટ બેંક
IDFC ફર્સ્ટ બેંકના નવા દર 16 ઓક્ટોબરથી લાગુ થશે. બેંક દ્વારા ગ્રાહકોને 3 ટકાથી 7.75 ટકા સુધીનું વ્યાજ ઓફર કરવામાં આવી રહ્યું છે. બેંક દ્વારા સૌથી વધુ વ્યાજ 400 થી 500 દિવસના સમયગાળા માટે ફિક્સ્ડ ડિપોઝીટ પર 7.75 ટકા આપવામાં આવે છે.
ફેડરલ બેંક
ફેડરલ બેંકના નવા FD દર 16 ઓક્ટોબરથી લાગુ થશે. બેંક ગ્રાહકોને 3 ટકાથી 7.4 ટકા સુધીનું વ્યાજ આપી રહી છે. 777 દિવસની FD પર સૌથી વધુ વ્યાજ 7.40 ટકા છે.
બેંક ઓફ બરોડા
બેંક ઓફ બરોડાના નવા FD દરો 14 ઓક્ટોબરથી લાગુ થશે. બેંક ગ્રાહકોને 4.25 ટકાથી 7.30 ટકા સુધીનું વ્યાજ આપી રહી છે. વરિષ્ઠ નાગરિકોને FD પર 0.50 ટકા વધારાનું વ્યાજ આપવામાં આવી રહ્યું છે.
પંજાબ નેશનલ બેંક
પંજાબ નેશનલ બેંક સામાન્ય ગ્રાહકો માટે 7 દિવસથી 10 વર્ષની મુદત માટે 3.50% થી 7.25% સુધીના FD દરો ઓફર કરે છે. બેંક વરિષ્ઠ નાગરિકો માટે 4 ટકાથી 7.75 ટકા અને સુપર વરિષ્ઠ નાગરિકો માટે 4.30 ટકાથી 8.05 ટકા સુધીના વ્યાજ દર ઓફર કરે છે. આ દરો 1 ઓક્ટોબર, 2024થી લાગુ થશે.
પંજાબ એન્ડ સિંધ બેંક
પંજાબ એન્ડ સિંધ બેંક સામાન્ય નાગરિકો માટે 7 દિવસથી 10 વર્ષની મુદત માટે કૉલેબલ ડિપોઝિટ પર 4 ટકાથી 7.45 ટકા સુધીના FD દરો ઓફર કરે છે. બેંક 555 દિવસની મુદત સાથે નોન-કોલેબલ ડિપોઝીટ પર 7.50 ટકાનો સૌથી વધુ વ્યાજ દર ઓફર કરી રહી છે.
