જો તમે કોઈ નાનો વ્યવસાય શરૂ કરવા અથવા વર્તમાન વ્યવસાયની કાર્યકારી મૂડી માટે ભંડોળ ઈચ્છો છો, તો સ્ટેટ બેંક ઑફ ઈન્ડિયા તમને આમાં મદદ કરશે. નાના સ્તરે ઉત્પાદન અથવા વેપાર અને સેવાઓના વ્યવસાયની કાર્યકારી મૂડીની જરૂરિયાત માટે એસબીઆઈની એસએમઈ સ્માર્ટ સ્કોર લોન સુવિધા હેઠળ કોઈ વ્યક્તિ 50 લાખ રૂપિયા સુધીની સરળ લોન લઈ શકે છે.
કોણ મેળવી શકે છે લોન
એસબીઆઈની વેબસાઈટ પર ઉપલબ્ધ માહિતી મુજબ, એસએમઈ સ્માર્ટ સ્કોર એ કેશ ક્રેડિટ/ટર્મ લોનની સુવિધા છે. MSME ક્ષેત્રની કોઈપણ જાહેર/ખાનગી લિમિટેડ કંપની, ભાગીદારી પેઢી અથવા SSI, C&I અને SBF સેગમેન્ટ હેઠળ આવતી ટ્રેડિંગ અને સર્વિસ સેક્ટર આ લોન સુવિધા માટે અરજી કરી શકે છે. આ લોન કાર્યકારી મૂડીની જરૂરિયાત માટે અથવા સ્થિર સંપત્તિની ખરીદી માટે ઉપલબ્ધ છે.
આ પણ વાંચો: ઘરે લગાવો મોબાઈલ ટાવર, મેળવો 30 લાખ રૂપિયા અને દર મહિને 25 હજાર રૂપિયાનો પગાર! જાણો શું છે આ સમગ્ર મામલો
કેટલી મળી શકે છે લોન
SME સ્માર્ટ સ્કોર હેઠળ, ઉત્પાદન, વેપાર અને સેવા એકમો માટે લઘુત્તમ રૂ. 10 લાખ અને મહત્તમ રૂ. 50 લાખની લોન મેળવી શકાય છે. આમાં માર્જિન વર્કિંગ કેપિટલના 20 ટકા અને ટર્મ લોનના 33 ટકા છે.
લોન પ્રાઇસીંગ અને કોલેટરલ સિક્યોરિટીઝ
SBI SME લોન સ્પર્ધાત્મક કિંમતે ઉપલબ્ધ થશે, જે બેંકના EBLR સાથે જોડાયેલ છે. ફી અને ચાર્જની વાત કરીએ તો તે લોનની રકમના 0.40 ટકા છે. આમાં કોઈ કોલેટરલ સિક્યોરિટી આપવાની રહેશે નહીં. તમામ લોન ક્રેડિટ ગેરંટી ફંડ ટ્રસ્ટ ફંડ ફોર માઇક્રો એન્ડ સ્મોલ એન્ટરપ્રાઇઝિસ (CGTMSE) હેઠળ આવરી લેવામાં આવી છે. આમાં, ગેરંટી ફી ઉધાર લેનાર દ્વારા વહન કરવાની રહેશે.
આ પણ વાંચો: PF ના પૈસા ક્યારે ઉપાડવા? જુઓ અહીં સંપૂર્ણ વિગત, નુક્શાનથી બચી જશો
લોનની ચુકવણીનો સમયગાળો
SBIની વેબસાઈટ અનુસાર, કેશ ક્રેડિટ લોનની સમીક્ષા દર બે વર્ષે કરવામાં આવશે. આ સાથે બિઝનેસની કામગીરીની વાર્ષિક સમીક્ષા પણ કરવામાં આવશે. તે જ સમયે, ટર્મ લોન / ડ્રોલાઇન OD માટે, ચુકવણીની મુદત 7 વર્ષથી વધુ નહીં હોય. આ પછી, 6 મહિનાનો મોરેટોરિયમ ઉપલબ્ધ થઈ શકે છે. તમામ લોનની વાર્ષિક ધોરણે સમીક્ષા કરવામાં આવશે.
લોન પાત્રતા
ચીફ પ્રમોટર / ચીફ એક્ઝિક્યુટિવ SME સ્માર્ટ સ્કોર લોન માટે અરજી કરી શકે છે. તેમની ઉંમર 18 વર્ષથી 65 વર્ષની વચ્ચે હોવી જોઈએ.
