અત્યારે જે સમાચારની વાત કરવી છે તે અપરાધના છે, ચિંતાજનક છે, પરંતુ એવા તમામ માતા-પિતા માટે જરૂરી છે જેઓ બેદરકારીપૂર્વક પોતાના બાળકોના હાથમાં સ્માર્ટફોન આપી દે છે. આવા વાલીઓએ હવે સાવચેત રહેવાની જરૂર છે. કારણ કે નાની ઉંમરમાં બાળકોનું ઈન્ટરનેટ એક્સેસ તેમને ખોટા રસ્તે લઈ જઈ રહ્યું છે. ઉત્તર પ્રદેશના ગાજિયાબાદમાં વિજય નગર પોલીસ સ્ટેશન વિસ્તારમાં બાળપણનો આવો જ એક કિસ્સો પ્રકાશમાં આવ્યો છે. અહીં ટ્યુશન માટે ભણવા ગયેલી પાંચ વર્ષની બાળકી સાથે દુષ્કર્મ આચરવામાં આવ્યું હતું. ટ્યુશન લેનાર શિક્ષીકાના 12 વર્ષના બાળક પર જાતીય સતામણીનો આરોપ છે.
મંગળવારે બાળકીની તબિયત બગડતાં તેને MMG હોસ્પિટલમાં લઈ જવામાં આવી હતી. ત્યાંથી મોડી રાત્રે પોલીસને મામલાની જાણ કરવામાં આવી હતી. પોલીસ સ્ટેશન ઈન્ચાર્જ યોગેન્દ્ર મલિકે જણાવ્યું કે ફરિયાદના આધારે રિપોર્ટ નોંધીને કાર્યવાહી કરવામાં આવી રહી છે. આરોપીની ઉંમર માત્ર 12 વર્ષની છે. આવી સ્થિતિમાં બાળકને જુવેનાઈલ બોર્ડ સમક્ષ રજૂ કરવામાં આવ્યો હતો. ત્યાંથી તેને ચાઈલ્ડ લાઈનમાં મોકલવાની તૈયારી ચાલી રહી છે. નિયમ મુજબ આગળની કાર્યવાહી કરવામાં આવશે.
મળતી માહિતી મુજબ વિજયનગરની કોલોનીમાં રહેતા એક વ્યક્તિની પુત્રી યુકેજીમાં અભ્યાસ કરે છે. તે પોતાની જ બિલ્ડીંગમાં ત્રીજા માળે રહેતી એક મહિલા પાસે ટ્યુશન માટે જાય છે. બાળકીના પિતાએ જણાવ્યું કે તેમની પુત્રી અને પુત્ર બંને ટ્યુશન ભણવા માટે મહિલા પાસે જાય છે. મંગળવારે પરિવારમાં કોઈ કાર્યક્રમ હતો, તેથી પુત્રને કંઈક સામાન લેવા મોકલ્યો હતો. જેના કારણે તે ટ્યુશનમાં ગયો ન હતો અને પુત્રીને સાંજે એકલી ટ્યુશનમાં જવાનું થયું હતું. આ દરમિયાન જ્યારે મહિલા શિક્ષિકા પ્રસાદ લેવા માટે નીચે આવી ત્યારે તેનો 12 વર્ષનો પુત્ર બાળકીને એકલી જોઈને લાભ લઈને શોષણ કરતો રહ્યો અને સંબંધ બાંધ્યા. થોડીવાર પછી બાળકી ઘરે આવી ગઈ.
બાળકીએ ઘરે આવીને પીડા વિશે જણાવ્યું. તેના કપડાં પર લોહી જોઈને માતા-પિતા તેને ખાનગી હોસ્પિટલમાં લઈ ગયા હતા. જ્યાંથી તેમને એમએમજી હોસ્પિટલમાં જવાનું કહેવામાં આવ્યું. હોસ્પિટલમાં સારવાર બાદ તબીબે બાળકી સાથે કંઈક ખોટું થયું હોવાનું જણાવ્યું. આ પછી જ્યારે બાળકીને પૂછવામાં આવ્યું તો તેણે આખી ઘટના જણાવી. પરિવારનો આરોપ છે કે ટ્યુશન લેનાર મહિલા હોસ્પિટલ પહોંચી અને બાળકીની સારવાર માટે તેમના પરિચિત ડોક્ટર પર દબાણ કર્યું. જ્યારે તેણે ના પાડી તો તેને જાનથી મારી નાખવાની ધમકી આપવામાં આવી.
દોસ્તો તમામ ઉપયોગી અને મહત્વના સમાચાર, બજાર ભાવ, કાયદાકીય માહિતી વગેરે જાણતા રહેવા Khissu એપ્લિકેશનને ડાઉનલોડ કરી લો અને સાથે અમારી Khissu ની યુટ્યૂબ ચેનલને પણ સબ્સ્ક્રાઇબ કરી લેજો. આ માહિતી તમને પસંદ આવી હોય તો શેર કરવાનું ભૂલતા નહી.
