સપ્ટેમ્બર માસનો અડધો સમય પસાર થવાનો છે. આ મહિનામાં બેંકોમાં કુલ 13 દિવસ રજા રહેશે. જેમાંથી અત્યાર સુધીમાં 8 રજાઓ પસાર થઈ ગઈ છે. હવે આ મહિનાના બાકી રહેલા દિવસોમાંથી દેશની બેંકોમાં 5 દિવસની રજાઓ રહેશે. તેથી, જો તમારે પણ આગામી દિવસોમાં કોઈ મહત્વપૂર્ણ કામ માટે બેંક જવાનું હોય, તો બેંકની રજા વિશે ચોક્કસ માહિતી લો.
આ પણ વાંચો: રાજ્યમાં બે વરસાદી સિસ્ટમ સક્રિય, નવલી નવરાત્રિનાં રંગમાં ભંગ પાડશે પણ વરસાદ.
ભારતીય રિઝર્વ બેંક (RBI) દરેક કેલેન્ડર વર્ષમાં બેંક રજાઓની યાદી બહાર પાડે છે. અહીં એ જાણવું જરૂરી છે કે ઘણી રજાઓ રાષ્ટ્રીય સ્તરની હોય છે. તે દિવસે દેશભરની બેંકો બંધ રહેશે. તે જ સમયે, કેટલીક રજાઓ સ્થાનિક અથવા પ્રાદેશિક હોય છે. અમુક રાજ્યોમાં જ બેંકની શાખાઓ તે દિવસોમાં બંધ રહે છે. વિવિધ રાજ્યો અને પ્રદેશો માટે રજાઓની સૂચિ પણ અલગ છે.
સેવાઓ ઓનલાઈન હોવાથી બહુ સમસ્યા નથી
હાલમાં બેંકોની મોટાભાગની સેવાઓ ઓનલાઈન ઉપલબ્ધ છે. મોબાઈલ બેન્કિંગ અને નેટ બેન્કિંગે ગ્રાહકોની ઘણી સમસ્યાઓ હળવી કરી છે. આ જ કારણ છે કે હવે બેંક બંધ હોવા પર પણ પૈસા ટ્રાન્સફર કરવા સહિત અનેક કામ કરી શકાય છે. પરંતુ, હજુ પણ કેટલાક એવા કામ છે, જે ફક્ત બેંકની શાખામાં જઈને જ કરવામાં આવે છે. આથી બેંક બંધ હોય ત્યારે ઘણા ગ્રાહકોના કેટલાક અગત્યના કામ અટવાઈ જાય છે. તેથી દરેક બેંક ગ્રાહકે બેંકની રજાઓ વિશે માહિતી લેતા રહેવું જોઈએ જેથી કરીને જો તેની પાસે બેંકનું કોઈ મહત્વપૂર્ણ કામ હોય તો તે રજાના દિવસ પહેલા તેનું નિરાકરણ કરી શકે.
આ પણ વાંચો: સોલાર ફેન્સિંગ સહાય યોજના: 15 હજાર ની મળશે સબસિડી, જાણો પૂરી વિગત
રજાઓની યાદી
18 સપ્ટેમ્બર, 2022 - બેંકોમાં રવિવારની રજા રહેશે.
21 સપ્ટેમ્બર, 2022 - શ્રી નારાયણ ગુરુ સમાધિ દિવસના કારણે તિરુવનંતપુરમ, કોચીમાં બેંકો બંધ રહેશે.
24 સપ્ટેમ્બર, 2022 - ચોથા શનિવારને કારણે બેંકોમાં રજા રહેશે.
25 સપ્ટેમ્બર, 2022 - રવિવારે સાપ્તાહિક રજા.
26 સપ્ટેમ્બર, 2022 - નવરાત્રિની સ્થાપના પર જયપુર અને ઇમ્ફાલમાં બેંક રજા રહેશે.
