દેશની સૌથી મોટી બેંકોમાંની એક બેંક ઓફ બરોડાએ માર્જિનલ કોસ્ટ ઓફ ફંડ બેઝ્ડ લેન્ડિંગ રેટ્સ (MCLR)માં 0.05 બેસિસ પોઈન્ટનો વધારો કરવાની જાહેરાત કરી છે. આ વધારો 9 જુલાઈ, 2024 થી અમલમાં આવ્યો છે. બેંકના આ પગલાથી કાર, પર્સનલ અથવા હોમ લોન લેનારાઓને આંચકો લાગ્યો છે.
બેંક ઓફ બરોડાની વેબસાઈટ અનુસાર બેંકે MCLRમાં 0.05 બેસિસ પોઈન્ટનો વધારો કર્યો છે. જે બાદ બેંકનો એક વર્ષનો MCLR રેટ 8.85 થી વધીને 8.90 ટકા થયો છે. જ્યારે એક મહિનાનો MCLR રેટ 8.30 થી વધીને 8.35 થયો છે.
MCLR એ દર છે જેનાથી નીચે બેંક લોન આપી શકતી નથી. તે ભારતમાં નોટબંધી પછી લાગુ કરવામાં આવ્યું હતું. તે ભારતીય રિઝર્વ બેંક દ્વારા વિકસિત પદ્ધતિ છે જેના આધારે બેંક લોન માટે વ્યાજ દર નક્કી કરે છે. રિઝર્વ બેંક ઓફ ઈન્ડિયાના નિયમો અનુસાર બેંકોએ દર મહિને તેમના MCLRની સમીક્ષા કરવી જરૂરી છે.
બેંક ઓફ બરોડા એફડી વ્યાજ દરો
1 વર્ષ - સામાન્ય લોકો માટે: 6.85 ટકા; વરિષ્ઠ નાગરિકો માટે: 7.35 ટકા
1 વર્ષથી 400 દિવસ: સામાન્ય લોકો માટે: 6.85 ટકા; વરિષ્ઠ નાગરિકો માટે: 7.35 ટકા
400 દિવસથી વધુ અને 2 વર્ષ સુધી: સામાન્ય લોકો માટે: 6.85 ટકા; વરિષ્ઠ નાગરિકો માટે: 7.25 ટકા
2 વર્ષથી વધુ અને 3 વર્ષ સુધી: સામાન્ય લોકો માટે: 7.25 ટકા; વરિષ્ઠ નાગરિકો માટે: 7.75 ટકા
3 વર્ષથી વધુ અને 5 વર્ષ સુધી: સામાન્ય લોકો માટે: 6.50 ટકા; વરિષ્ઠ નાગરિકો માટે: 7.00 ટકા
5 વર્ષથી 10 વર્ષથી વધુ: સામાન્ય લોકો માટે: 6.50 ટકા; વરિષ્ઠ નાગરિકો માટે: 7.00 ટકા
