પોસ્ટ ઓફિસની આ સ્કીમમાં જમા કરો 3 લાખ રૂપિયા, 44 હજારનું ખાલી વ્યાજ મળશે
ભારતીય રિઝર્વ બેંકે આ વર્ષે બે વાર રેપો રેટમાં ઘટાડો કર્યો છે. RBI એ રેપો રેટ 6.50 ટકાથી ઘટાડીને 6.00 ટકા કર્યો છે. સેન્ટ્રલ બેંકે પહેલા ફેબ્રુઆરીમાં દરમાં 0.25 ટકાનો ઘટાડો કર્યો હતો અને પછી એપ્રિલમાં વધુ 0.25 ટકાનો ઘટાડો કર્યો હતો.
RBIના આ પગલા પછી એક તરફ બેંકોએ લોન સસ્તી કરી અને બીજી તરફ તેમણે FD પરના વ્યાજ દરોમાં પણ ઘટાડો કર્યો.
જોકે પોસ્ટ ઓફિસ હજુ પણ પહેલાની જેમ બચત ખાતા પર તેના ગ્રાહકોને બમ્પર વળતર આપી રહી છે. આજે અમે તમને પોસ્ટ ઓફિસની એક સ્કીમ વિશે જણાવીશું, જેમાં 3 લાખ રૂપિયા જમા કરાવીને 44,664 રૂપિયાનું નિશ્ચિત વ્યાજ મેળવી શકાય છે.
રૂપિયા 3,00,000 પર રૂપિયા 44,664 નું નિશ્ચિત વ્યાજ
પોસ્ટ ઓફિસ તેના ગ્રાહકોને ટીડી (ટાઈમ ડિપોઝિટ) ખાતાઓ પર 6.9 ટકાથી 7.5 ટકા સુધીનું વ્યાજ આપી રહી છે. પોસ્ટ ઓફિસમાં 1 વર્ષના TD પર 6.90 ટકા, 2 વર્ષના TD પર 7.0 ટકા, 3 વર્ષના TD પર 7.1 ટકા અને 5 વર્ષના TD પર 7.5 ટકા વ્યાજ આપવામાં આવી રહ્યું છે.
જો તમે પોસ્ટ ઓફિસમાં 2 વર્ષની ટીડી સ્કીમમાં 3 લાખ રૂપિયાનું રોકાણ કરો છો, તો તમને પાકતી મુદત પર કુલ 3,44,664 રૂપિયા મળશે. આમાં 44,664 રૂપિયાનું ફિક્સ્ડ અને ગેરંટીકૃત વ્યાજ પણ શામેલ છે.
