આપણે સૌ જાણીએ છીએ કે, "ભારત એક ખેતીપ્રધાન દેશ છે." ખેતી દ્વારા લોકોને અનાજ, શાકભાજી અને ફળ મળી રહ્યા છે એટલું જ નહિ, પરંતુ તે ખેડૂતો માટે પણ ખૂબ લાભદાયી છે. અહીં આપણે એવા જ ખેડૂતની માહિતી મેળવવાના છીએ કે જેને ગાજરની ખેતી દ્વારા લાખો રૂપિયાની કમાણી કરી છે. તો ચાલો જાણીએ આ ખેડૂતની લખપતી બનવાની વાત.
ભડક ગામમાં રહેતા રવિ કુમાર, કે જેઓ પહેલા એક મલ્ટિનેશનલ કંપનીમાં નોકરી કરતા હતાં. તેઓએ પોતાની નોકરી છોડી દીધી અને ઓર્ગેનિક રીતે ગાજરની ખેતી કરવા લાગ્યા. ગાજરની ખેતીમાં તેઓ દર વર્ષે એકર દીઠ રૂ.2 લાખ- રૂ.3 લાખ સુધી કમાઇ રહ્યા છે. અત્યાર સુધી આ સિઝનમાં પણ તેઓએ એક લાખ રૂપિયાના ગાજરનું વેચાણ કર્યું છે. રેવાડી-મહેન્દ્રગઢ રોડ પર આવેલા વેચાણ કેન્દ્રમાં સવાર-સાંજ લોકોની મેદની જોવા મળે છે કારણ કે, રવિ કુમાર જ્યાં ખેતી કરે છે તે વિસ્તારમાં ગાજરની માંગ વધુ હોવાથી તેઓને ગાજરના વેચાણ માટે ક્યાંય જવાની જરૂર પણ રહેતી નથી.
કુદરતી અને સજીવ ખેતી છે વધુ ફાયદાકારક: રવિ કુમાર ગાજરની ખેતી તો કરે જ છે પણ સાથે સાથે અન્ય શાકભાજી પણ ઉગાડે છે. ઉપરાંત, તેઓ વિસ્તારના ખેડૂતોને વિનામૂલ્યે જૈવિક ખેતીની તાલીમ પણ આપે છે. અહીં, ખાતર તથા જંતુનાશક દવાઓ, બધું જ દેશી ગાયના છાણમાંથી તૈયાર કરવામાં આવે છે. તેઓ કહે છે કે, ઝીરો બજેટ સાથે કુદરતી ખેતી કરો, જેમાં જીવામૃત, ખાના ડેડ જેવા જૈવિક ખાતરો ગાયના ગૌમૂત્ર અને છાણમાંથી તૈયાર કરવામાં આવે છે. આના માટે કોઈ અલગથી ખર્ચ થતો નથી. આ ખાતરો ખૂબ ઉપયોગી છે, કુદરતી ખાતરોના ઉપયોગથી છોડને લાંબા સમય સુધી પોષક તત્વો મળે છે.
કેવી રીતે કર્યું પુષ્કળ ઉત્પાદન?: સૌ પ્રથમ, તો ખેતરમાં ગાયના છાણનું કુદરતી ખાતર ઉમેરીને, તેને બે થી ત્રણ વાર ખેડવામાં આવ્યું અને પછી પલંગ એટલે કે મેદાની બનાવીને એક તરફ લાલ અને એક તરફ કાળા ગાજરના બીજનો છંટકાવ કરવામાં આવ્યો. બે-ત્રણ વર્ષના અનુભવ મુજબ ગાજરની સારી ઉપજ માટે ઓગસ્ટના છેલ્લા સપ્તાહમાં અને સપ્ટેમ્બરના પ્રથમ સપ્તાહમાં વાવણી કરવામાં આવી જેથી ઉત્પાદન સતત વધતું ગયું.
ખેતર તૈયાર કરતી વખતે હેક્ટર દીઠ 20 થી 25 ટન ગાયનું છાણ નાખવું જોઈએ. રવિ કુમારે જણાવ્યું કે તેઓ એક એકરમાં 100 ક્વિન્ટલ સુધી ગાજરનું ઉત્પાદન કરે છે. તેમનું માનવું છે કે કુદરતી અને ઓર્ગેનિક ખેતી કરીને આ ઉત્પાદન પ્રતિ એકર 130 ક્વિન્ટલ પણ સુધી પહોંચાડી શકાય છે.
