ગુજરાત પર ત્રણ વરસાદી સીસ્ટમ સક્રીય, ભુક્કા બોલાવશે મેઘરાજા, જાણો ક્યાં જિલ્લામાં?
ભારતીય હવામાન વિભાગ (IMD) એ ગુજરાતના દરિયાકાંઠાના વિસ્તારોમાં માછીમારોને 26 જુલાઈ સુધી દરિયામાં ન જવા ચેતવણી આપી છે. 27 અને 28 જુલાઈ માટે ઘણા જિલ્લાઓ માટે ઓરેન્જ એલર્ટ પણ જારી કરવામાં આવ્યું છે.
હાલમાં દક્ષિણ પશ્ચિમ રાજસ્થાન પર ચોમાસાનો પ્રવાહ, અપર સાયક્લોમિક સિસ્ટમ સર્ક્યુલેશન, ઉત્તરપૂર્વ અરબી સમુદ્રથી પશ્ચિમ-મધ્ય અને નજીકના ઉત્તર-પશ્ચિમ બંગાળની ખાડી પર દક્ષિણ ગુજરાત, ઉત્તર મધ્ય મહારાષ્ટ્ર, વિદર્ભ, તેલંગાણા અને દરિયાકાંઠાના આંધ્રપ્રદેશમાં ચક્રવાત પરિભ્રમણ સહિત અનેક સિસ્ટમો સક્રિય હોવાને કારણે ગુજરાતમાં 29 જુલાઈ સુધી ભારે વરસાદ પડવાની આગાહી છે. સ્ટેટ ઇમરજન્સી ઓપરેશન સેન્ટર (SEOC) મુજબ, 23 જુલાઈ (બુધવાર) સુધીમાં ગુજરાતમાં ચોમાસા દરમિયાન 482 મીમી અથવા 54.67 ટકા વરસાદ નોંધાયો છે
IMD ની આગાહી અનુસાર, 27 જુલાઈએ પંચમહાલ, દાહોદ અને છોટા-ઉદેપુર જિલ્લામાં અને 28 જુલાઈએ બનાસકાંઠા, મહેસાણા અને સાબરકાંઠા જિલ્લામાં ભારે વરસાદ માટે ઓરેન્જ એલર્ટ જારી કરવામાં આવ્યું છે.
24 અને 25 જુલાઈ (ગુરુવાર અને શુક્રવાર) માટે છોટા ઉદેપુર, નર્મદા, ડાંગ, તાપી, નવસારી, વલસાડ જિલ્લામાં ભારે વરસાદની આગાહી કરવામાં આવી છે. પંચમહાલ, દાહોદ, મહિસાગર, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, અમરેલી અને ભાવનગરમાં 26મી જુલાઈએ ભારે વરસાદની સંભાવના છે.
વધુમાં 29 જુલાઈના રોજ બનાસકાંઠા, પાટણ, મહેસાણા, સાબરકાંઠા, અરવલ્લી, મહિસાગર, નવસારી, વલસાડ અને કચ્છ જિલ્લામાં ભારે વરસાદની સંભાવના છે
