જો તમે બેંક લોકરમાં પૈસા, દાગીના, જ્વેલરી કે મહત્વપૂર્ણ દસ્તાવેજો રાખો છો, તો તમારા માટે આ સમાચાર જાણવું ખૂબ જ જરૂરી છે. આરબીઆઈએ બેંકોના લોકર અંગે નવા નિયમો જારી કર્યા છે, જે 1 જાન્યુઆરી, 2022થી અમલમાં આવ્યા છે.
આ નવા નિયમ અનુસાર, બેંક કર્મચારીઓ દ્વારા આગચંપી, ચોરી, મકાન ધરાશાયી અથવા છેતરપિંડીના કિસ્સામાં બેંકોની જવાબદારી તેના લોકરના વાર્ષિક ભાડાના 100 ગણા સુધી મર્યાદિત રહેશે. મતલબ કે જો બેંક તમારી પાસેથી વાર્ષિક રૂ. 5,000 લોકર ફી વસૂલે છે, તો તમને મહત્તમ 5,00,000 લાખનું વળતર મળશે.
નવા નિયમો સેફ ડિપોઝીટ લોકર અને બેંકો પાસે સુરક્ષિત કસ્ટડી બંને પર લાગુ થશે. ફેબ્રુઆરી 2021 માં, સુપ્રીમ કોર્ટે આરબીઆઈને 6 મહિનાની અંદર લોકર મેનેજમેન્ટને લગતા તમામ બેંકો માટે એક સમાન નિયમ લાગુ કરવાનો નિર્દેશ આપ્યો હતો.
1 જાન્યુઆરી, 2023થી બેંકો લોકર ધારકો સાથે નવો કરાર શરૂ કરશે. બેન્કો ઇન્ડિયન બેન્ક્સ એસોસિએશન (IBA) દ્વારા ડ્રાફ્ટ લોકર કરાર લાગુ કરશે.
તમામ સરકારી અને ખાનગી બેંકો તેમના ગ્રાહકોને લોકરની સુવિધા પૂરી પાડે છે, જેના માટે તેઓ વાર્ષિક ફી પણ વસૂલે છે.
જો તમે તેમાંથી કંઈક દૂર કરો છો અથવા નવી સામગ્રી ઉમેરો છો, તો તમારે તેની સંપૂર્ણ જાણ હોવી જોઈએ. જો તમને તમારા સામાન વિશે ખબર નથી, તો તમે કટોકટીમાં નુકસાનનો દાવો કરી શકશો નહીં.
