ફેબ્રુઆરી મહિનો પૂરો થવાનો છે અને આવતી કાલથી માર્ચ મહિનો શરૂ થશે. આ વખતે માર્ચથી(Financial Rules) ઘણા ફેરફારો થવાના છે.જેની સીધી અસર તમારા ખિસ્સા અને જીવન પર પડશે. જો તમારી પાસે આવતા મહિનામાં બેંક સંબંધિત કોઈ મહત્વપૂર્ણ કામ હોય, તો તેને સમયસર પૂર્ણ કરો, કારણ કે આગામી મહિનામાં ઘણા દિવસો સુધી બેંકોમાં કોઈ કામ રહેશે નહીં.
LPG ગેસ સિલિન્ડરના ભાવ બદલાશે
દર મહિનાની પહેલી તારીખે દેશની ઓઈલ કંપનીઓ એલપીજી સિલિન્ડરના ભાવમાં ફેરફાર કરે છે. પરંતુ તમને જણાવી દઈએ કે દેશના તમામ શહેરોમાં ફેબ્રુઆરી મહિનામાં કોમર્શિયલ એલપીજી સિલિન્ડરની કિંમતોમાં વધારો થયો હતો. જોકે, ઘરેલુ સિલિન્ડરના ભાવ સ્થિર હતા.
માર્ચમાં બેંકો રજાઓની લીસ્ટ તપાસી લો
માર્ચમાં બેંકો 14 દિવસ બંધ રહેશે. આ 14 દિવસની રજાઓમાં બધા રવિવાર, બીજા અને ચોથા શનિવારનો પણ સમાવેશ થાય છે. એટલે કે સાપ્તાહિક રજાઓ સિવાય બેંક તહેવારોના કારણે આઠ દિવસ બેંકો બંધ રહેશે. દેશના તમામ રાજ્યોમાં એક સાથે 14 દિવસ સુધી બેંકો બંધ રહેશે નહીં. આ રજાઓ અલગ-અલગ રાજ્યોમાં અલગ-અલગ દિવસે હશે. જ્યાં રજાઓ છે તે રાજ્યોમાં જ બેંકો બંધ રહેશે. માર્ચ મહિનામાં શિવરાત્રી, હોળી અને ગુડ ફ્રાઈડે જેવા તહેવારો છે જેના કારણે બેંકો બંધ રહેશે. જો તમારી પાસે બેંક સંબંધિત કોઈ કામ બાકી હોય તો રજાઓની યાદી તપાસો.
શેર બજાર સંબંધિત આ નિયમ લાગુ થશે
નેશનલ સ્ટોક એક્સચેન્જ એટલે કે NSE, દેશના સૌથી પ્રખ્યાત સ્ટોક એક્સચેન્જોમાંના એક, નિફ્ટી બેંકના ડેરિવેટિવ ડીલ્સની સમાપ્તિ અંગે મોટો ફેરફાર કર્યો છે. હવે તે સમયે બેન્ક નિફ્ટીના ડેરિવેટિવ ડીલ્સની એક્સપાયરી મહિનાના છેલ્લા ગુરુવારે થતી હતી. હવે તેનો દિવસ બદલાઈ ગયો છે. તાજેતરના ફેરફારો પછી, નિફ્ટી બેંકના F&O કોન્ટ્રાક્ટ હવે દર મહિનાના છેલ્લા બુધવારે સમાપ્ત થશે. આ ફેરફાર માસિક અને ત્રિમાસિક જેવા બેંક નિફ્ટીના તમામ ફ્યુચર્સ અને ઓપ્શન્સ કોન્ટ્રાક્ટ પર લાગુ થશે. કોન્ટ્રાક્ટ સાયકલની સમાપ્તિના દિવસે તાત્કાલિક અસરથી આ ફેરફાર લાગુ કરવામાં આવી રહ્યો નથી. NSEએ આ ફેરફાર માટે બે મહિનાનો સમય આપ્યો છે. NSE અનુસાર, એક્સપાયરી સંબંધિત આ ફેરફાર 1 માર્ચ, 2024થી અમલમાં આવશે.
Paytm બંધ થશે
RBI (રિઝર્વ બેંક ઓફ ઈન્ડિયા) એ Paytm પેમેન્ટ બેંક પર પ્રતિબંધ મૂકવાનો નિર્ણય લીધો છે. પેટીએમ પેમેન્ટ બેંકને પણ ફાસ્ટેગ પ્રોવાઈડર્સની યાદીમાંથી હટાવી દેવામાં આવી છે, જેના પછી 15 માર્ચ પછી પેટીએમનું ફાસ્ટેગ કામ કરવાનું બંધ કરી દેશે. વાસ્તવમાં, રિઝર્વ બેંક ઓફ ઈન્ડિયા દ્વારા ફાસ્ટેગ માટે જાહેર કરવામાં આવેલી 32 બેંકોની યાદીમાં Paytm પેમેન્ટ બેંકનું નામ સામેલ નથી.આ માટે, તમારે પહેલા ફાસ્ટેગ બંધ કરવાની વિનંતી સબમિટ કરવી પડશે. Fastag Paytm પોર્ટલમાં લોગ ઇન કર્યા પછી, તમારે હેલ્પ ઓપ્શન પર જવું પડશે. આ પછી તમને ફાસ્ટેગ બંધ કરવાનો વિકલ્પ દેખાશે. આના પર ક્લિક કર્યા પછી, તમારું ફાસ્ટેગ Paytm બેંકમાંથી નિષ્ક્રિય થઈ જશે.
મફતમાં આધાર કાર્ડ અપડેટ કરવાની છેલ્લી તારીખ
આધાર કાર્ડ એક દસ્તાવેજ છે જેનો ઉપયોગ આજે દરેક જગ્યાએ થઈ રહ્યો છે. સિમ કાર્ડ મેળવવાથી લઈને બેંક ખાતું ખોલાવવા સુધી દરેક જગ્યાએ આધાર આવશ્યક દસ્તાવેજ બની ગયો છે. વિવિધ સરકારી યોજનાઓનો લાભ મેળવવા માટે પણ આધાર કાર્ડ જરૂરી છે. એટલા માટે તમારે તમારું આધાર કાર્ડ સંપૂર્ણપણે અપડેટ રાખવું જોઈએ. તમે આ માટે ઓનલાઈન પણ અરજી કરી શકો છો, પરંતુ તમારે કેટલાક પૈસા ચૂકવવા પડશે. પરંતુ હવે UIDAI દ્વારા એક વિન્ડો ખોલવામાં આવી છે, જેમાં તમે તમારું આધાર ફ્રીમાં અપડેટ કરી શકો છો.
GST સંબંધિત નવા નિયમો અમલમાં આવશે
ટેક્સ ચોરીને રોકવા માટે GST સંબંધિત નવો નિયમ 1 માર્ચથી અમલમાં આવી શકે છે. જે અંતર્ગત ઈ-ચલાન માટે ઈ-વે બિલ જનરેટ કરવાની જરૂર રહેશે નહીં.
પીએમ કિસાન યોજના
પીએમ કિસાન સન્માન નિધિના 16મા હપ્તાની રાહ આજે પૂરી થઈ ગઈ છે. બુધવારે 16મા હપ્તાના નાણાં ખેડૂતોના ખાતામાં ટ્રાન્સફર કરવામાં આવ્યા છે. આ રકમ DBT દ્વારા ખેડૂતોના ખાતામાં ટ્રાન્સફર કરવામાં આવી હતી. યોજનાનો લાભ મેળવવા માટે, કેન્દ્ર સરકારે લાભાર્થીઓ માટે ઇ-કેવાયસી અને જમીન રજિસ્ટ્રી ફરજિયાત બનાવી છે. આનો અર્થ એ થયો કે પીએમ કિસાન સન્માન યોજનાનો 16મો હપ્તો ફક્ત તે ખેડૂતોના બેંક ખાતામાં ટ્રાન્સફર કરવામાં આવશે જેમણે ઈ-કેવાયસી અને જમીન ચકાસણી કરી છે.
