તમારા બાળકને બનાવો કરોડપતિ! આ સરકારી યોજનામાં મહિને ₹1,000 નું રોકાણ અને મેળવો ₹11.57 કરોડ
જો તમે પણ તમારા બાળકના ભવિષ્યને સુરક્ષિત કરવા માંગતા હો, તો ભારત સરકારની NPS વાત્સલ્ય યોજના (NPS Vatsalya Scheme) એક સુવર્ણ તક લઈને આવી છે. આ યોજનામાં તમે બાળકના જન્મથી જ માત્ર ₹1,000 જેવી નાની રકમનું માસિક રોકાણ શરૂ કરીને તેને ભવિષ્યમાં કરોડપતિ બનાવી શકો છો. આ યોજનામાં રોકાણ કરવાથી લાંબા ગાળે ₹11.57 Crore જેવું તોતિંગ ભંડોળ ઊભું કરી શકાય છે.
આ યોજનાનો મુખ્ય મંત્ર "વહેલા તે પહેલા" છે. જો તમે બાળકના જન્મ સમયે જ ખાતું ખોલાવો છો અને સતત 60 વર્ષ સુધી રોકાણ ચાલુ રાખો છો, તો ગણતરી ખૂબ જ રસપ્રદ બને છે. ધારો કે તમે દર મહિને ₹1,000 નું રોકાણ કરો છો, તો 60 વર્ષમાં તમારું કુલ રોકાણ માત્ર ₹7.20 Lakh (વર્ષે ₹12,000 x 60 વર્ષ) થશે.
જો આ રોકાણ પર વાર્ષિક 14% (માર્કેટ આધારિત અંદાજ) વળતર મળે, તો પાકતી મુદતે મળતી રકમ અંદાજે ₹11.57 Crore સુધી પહોંચી શકે છે. અહીં તમારું મૂળ રોકાણ ભલે ઓછું હોય, પરંતુ ચક્રવૃદ્ધિ વ્યાજ (Compounding Interest) ના કારણે રકમ અનેકગણી વધી જાય છે. શરૂઆતના 20-25 વર્ષમાં ગ્રોથ ધીમો લાગે છે, પરંતુ ત્યારબાદ પૈસા ઝડપથી વધે છે કારણ કે તમને વ્યાજ પર પણ વ્યાજ મળે છે.
NPS વાત્સલ્ય યોજના માત્ર રોકાણ જ નહીં, પણ જરૂરિયાત સમયે મદદ પણ પૂરી પાડે છે. આ યોજનામાં આંશિક ઉપાડની સુવિધા પણ આપવામાં આવી છે. ખાતું ખોલ્યાના 3 વર્ષ પછી તમે જમા રકમના 25% સુધીની રકમ ઉપાડી શકો છો. આ સુવિધા ખાસ કરીને બાળકના શિક્ષણ, માંદગી કે અન્ય કટોકટી (Emergency) ના સમયે ખૂબ કામ લાગી શકે છે.
ઉપાડ અંગેના નિયમો પણ સ્પષ્ટ છે. બાળકની 18 વર્ષની ઉંમર થાય ત્યાં સુધીમાં કુલ 3 વખત પૈસા ઉપાડી શકાય છે. જ્યારે બાળક 18 વર્ષનું થાય, ત્યારે આ ખાતું સામાન્ય NPS ખાતામાં ટ્રાન્સફર થઈ શકે છે અને પુખ્ત વયનું બાળક પોતે તેને મેનેજ કરી શકે છે, જે તેને નાણાકીય શિસ્ત પણ શીખવે છે.
જો 18 વર્ષ પછી બાળક યોજના ચાલુ રાખવા ન માંગતું હોય, તો બહાર નીકળવાના પણ વિકલ્પો છે. જો 21 વર્ષની ઉંમરે સ્કીમમાંથી બહાર નીકળવું હોય, તો કુલ ભંડોળના 80% રકમ ફરજિયાત પેન્શન પ્લાન (Annuity) માં રોકવી પડે છે, જેથી બાળકને ભવિષ્યમાં નિયમિત આવક ચાલુ રહે. જ્યારે બાકીની 20% રકમ એકસાથે (Lump sum) મળી શકે છે.
આમ, NPS વાત્સલ્ય યોજના એ માત્ર બચત યોજના નથી, પણ સંપત્તિ સર્જન (Wealth Creation) નું એક સચોટ સાધન છે. જે માતા-પિતા પોતાના બાળકના ભવિષ્યને સુરક્ષિત અને સમૃદ્ધ બનાવવા માંગે છે, તેમના માટે આ એક શ્રેષ્ઠ ભેટ સાબિત થઈ શકે છે. નાની બચત અને લાંબો સમયગાળો જ આ યોજનાની સફળતાની ચાવી છે.
