આજકાલ માર્કેટમાં રોકાણ ઓપ્શનો ઘણા છે. આપણે સૌ ભવિષ્યને સારું બનાવવા ક્યાંક ને ક્યાંક રોકાણ કરવાનું વિચારતા હોઇએ છીએ, પરંતુ આ રોકાણ યોગ્ય જગ્યાએ કરવું આવશ્યક છે. તેથી જ તો આજની આ માહિતી દ્વારા તમને સમજાશે કે ક્યાં રોકાણ કરવાથી તમને વધુ સારું વળતર મળશે અને કર માંથી પણ મુક્તિ મળશે.
મિત્રો, આજે આપણે 2 ઇન્વેસ્ટમેન્ટ કંપનીઓ વચ્ચેનો તફાવત સમજીશું, જેથી તમને ખ્યાલ આવે કે ક્યાં રોકાણ કરવું. આપણે તફાવત જોવાનો છે Unit Linked Insurance Plan એટલે કે ULIP અને મ્યુચ્યુઅલ ફંડ વચ્ચેનો. આ બંને ઘણી રીતે અલગ પડે છે. તો ચાલો જાણીએ આ બંને વચ્ચેના કેટલાક મહત્વપૂર્ણ તફાવતો વિશે.
1. ULIP માં રોકાણ અને વીમો બંને એકસાથે ઓફર કરવામાં આવે છે. જ્યારે, મ્યુચ્યુઅલ ફંડ એ શુદ્ધ રોકાણ કરવા માટેનો વિકલ્પ છે. એટલે કે, કોઈ વ્યક્તિ તેની મૂડી વધારવા માટે તેમાં નાણાંનું રોકાણ કરે છે.
2. તમે ULIP માટે જે પ્રીમિયમ ચૂકવો છો તે કલમ 80C હેઠળ કર કપાત માટે પાત્ર છે. બીજી બાજુ, કલમ 80C હેઠળ કર મુક્તિ ફક્ત મ્યુચ્યુઅલ ફંડ્સની ELSS (ઇક્વિટી લિંક્ડ સેવિંગ્સ સ્કીમ્સ) સ્કીમ્સમાં જ ઉપલબ્ધ છે.
3. ULIPમાં સામાન્ય રીતે લોક-ઇન સમયગાળો 5 વર્ષનો હોય છે. જ્યારે ઓપન એન્ડેડ મ્યુચ્યુઅલ ફંડ યોજનાઓ સંપૂર્ણપણે પ્રવાહી છે. આમાંથી કોઈપણ સમયે પૈસા ઉપાડી શકાય છે. ELSS ફંડમાં ત્રણ વર્ષનો લોક-ઇન સમયગાળો હોય છે.
4. ULIPમાં ઘણા પ્રકારના ચાર્જીસ હોય છે. તેમાં પોલિસી એડમિનિસ્ટ્રેશન ચાર્જ, પ્રીમિયમ ફાળવણી, મૃત્યુદર ચાર્જ અને ફંડ મેનેજમેન્ટ ચાર્જિસનો સમાવેશ થાય છે. બીજી તરફ, મ્યુચ્યુઅલ ફંડમાં ખર્ચ ગુણોત્તર હોય છે. તે મહત્તમ 2.5 ટકા હોઈ શકે છે.
5. ULIPs માં કોઈપણ ટેક્સ વિના એક ફંડમાંથી બીજા ફંડમાં સ્વિચ કરવાની છૂટ છે. જ્યારે મ્યુચ્યુઅલ ફંડમાં, સ્કીમ્સ વચ્ચે સ્વિચ કરતી વખતે ટેક્સ વસૂલવામાં આવે છે.
