ઓઈલ માર્કેટિંગ કંપનીઓએ કોમર્શિયલ એલપીજી ગેસ સિલિન્ડરની કિંમતમાં મોટો ઘટાડો કર્યો છે. આજથી 19 કિલોના કોમર્શિયલ એલપીજી ગેસ સિલિન્ડરની કિંમતમાં 171.50 રૂપિયાનો ઘટાડો કરવામાં આવ્યો છે. આ પછી દિલ્હીમાં આજથી 19 કિલોના કોમર્શિયલ એલપીજી સિલિન્ડરની કિંમત ઘટીને 1856.50 રૂપિયા થઈ ગઈ છે. જો કે ઘરેલુ રાંધણ ગેસના ભાવમાં કોઈ ઘટાડો કરવામાં આવ્યો નથી.
દિલ્હી સિવાય કોલકાતામાં LPC કોમર્શિયલ ગેસ સિલિન્ડરની કિંમત 1960.50 રૂપિયા થઈ ગઈ છે. આ સિવાય નવી કિંમતો મુંબઈમાં 1808.50 રૂપિયા અને ચેન્નાઈમાં 2021.50 રૂપિયા છે.
આ ઘટાડો 1 એપ્રિલે કરવામાં આવ્યો હતો, તમને જણાવી દઈએ કે, સરકાર દ્વારા દર મહિનાની પહેલી તારીખે એલપીજી અને પેટ્રોલ-ડીઝલના ભાવમાં ફેરફાર કરવામાં આવે છે. અગાઉ 1 એપ્રિલ 2023ના રોજ કોમર્શિયલ એલપીજી ગેસના ભાવમાં ફેરફાર કરવામાં આવ્યો હતો. ત્યારબાદ કિંમતોમાં રૂ. 92નો ઘટાડો કરવામાં આવ્યો હતો. જો કે માર્ચમાં સરકારે કોમર્શિયલ સિલિન્ડરની કિંમતમાં 350 રૂપિયાનો વધારો કર્યો હતો.
ઘણા નિયમોમાં ફેરફાર
કોમર્શિયલ સિલિન્ડર સસ્તા થવાની સાથે 1 મેથી ઘણા નિયમોમાં પણ ફેરફાર કરવામાં આવ્યા છે. જ્યારે સરકારે મ્યુચ્યુઅલ ફંડ માટે KYC ફરજિયાત બનાવ્યું છે, GST નિયમોમાં પણ ફેરફાર કરવામાં આવ્યા છે. હવે 100 કરોડથી વધુ ટર્નઓવર ધરાવતી કંપનીઓએ સાત દિવસમાં IRP પર રસીદો અપલોડ કરવાની રહેશે. આ સિવાય પંજાબ નેશનલ બેંક એટીએમ ટ્રાન્ઝેક્શન માટે ગ્રાહકો પાસેથી ચાર્જ વસૂલશે.
