વર્ષનાં પહેલા દિવસે રાહતના સમાચાર: LPG ગેસ સિલિન્ડરના ભાવમાં ઘટાડો, જાણો ભાવ
નવા વર્ષના પહેલા દિવસે મોટી રાહતના સમાચાર છે. જુલાઈ પછી પહેલીવાર દેશમાં ગેસ સિલિન્ડરની કિંમતમાં ઘટાડો થયો છે. વાસ્તવમાં આ ઘટાડો કોમર્શિયલ ગેસ સિલિન્ડરના ભાવમાં જોવા મળ્યો છે. જેમાં નજીવો ઘટાડો જોવા મળ્યો છે.
બીજી તરફ ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. છેલ્લી વખત ઘરેલું એલપીજી સિલિન્ડરની કિંમતમાં ઘટાડો માર્ચ 2024માં હોળી પહેલા જોવા મળ્યો હતો.
દેશની ઓઈલ કંપનીઓ મહિનાની પહેલી તારીખે ગેસ સિલિન્ડરના ભાવ અપડેટ કરે છે. ચાલો અમે તમને એ પણ જણાવીએ કે 2025ના પહેલા મહિનામાં તમારે ઘરેલુ અને કોમર્શિયલ ગેસ સિલિન્ડર માટે કેટલી કિંમત ચૂકવવી પડશે.
ઘરેલું ગેસ સિલિન્ડરના ભાવ
IOCLના ડેટા અનુસાર, ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. દેશના ચાર મહાનગરોમાં રહેતા લોકોએ એ જ કિંમતો ચૂકવવી પડશે, જે છેલ્લે 9 માર્ચ, 2024ના રોજ અપડેટ કરવામાં આવી હતી.
ત્યારબાદ તેલ કંપનીઓ દ્વારા ઘરેલુ ગેસ સિલિન્ડરની કિંમતમાં 100 રૂપિયાનો ઘટાડો કરવામાં આવ્યો હતો. જે બાદ એલપીજી ગેસ સિલિન્ડરની કિંમત દિલ્હીમાં 803 રૂપિયા, કોલકાતામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયા થઈ ગઈ છે.
શું તમારે સફેદ દાગથી છુટકારો મેળવવો છે... તો વધુ માહિતી માટે અહીંયા ક્લિક કરો.
કોમર્શિયલ ગેસ સિલિન્ડરના ભાવમાં ઘટાડો
બીજી તરફ કોમર્શિયલ ગેસ સિલિન્ડરની કિંમતમાં લગભગ 6 મહિના બાદ ઘટાડો જોવા મળ્યો છે. દેશની રાજધાની દિલ્હીમાં કોમર્શિયલ ગેસ સિલિન્ડરની કિંમતમાં 14.5 રૂપિયાનો થોડો ઘટાડો થયો છે અને તે 1,804 રૂપિયા થઈ ગયો છે.
કોલકાતામાં 16 રૂપિયાનો ઘટાડો થયો છે અને કોમર્શિયલ ગેસ સિલિન્ડરની કિંમત 1,911 રૂપિયા થઈ ગઈ છે. મુંબઈમાં 15 રૂપિયાના ઘટાડા બાદ કિંમત 1,756 રૂપિયા થઈ ગઈ છે. જ્યારે ચેન્નાઈમાં 14.5 રૂપિયાનો ઘટાડો જોવા મળ્યો છે અને કોમર્શિયલ ગેસ સિલિન્ડરની કિંમત 1,966 રૂપિયા જોવા મળી રહી છે.
5 મહિનામાં સિલિન્ડર કેટલા મોંઘા થયા?
તે પહેલા કોમર્શિયલ ગેસ સિલિન્ડર 5 મહિના એટલે કે જુલાઈથી લઈને ડિસેમ્બર સુધી સતત મોંઘું થઈ રહ્યું હતું. દિલ્હીમાં કોમર્શિયલ ગેસ સિલિન્ડરના ભાવમાં 172.5 રૂપિયાનો વધારો જોવા મળ્યો છે.
જ્યારે કોલકાતા અને ચેન્નાઈમાં કોમર્શિયલ ગેસ સિલિન્ડરની કિંમતમાં 171 રૂપિયાનો વધારો જોવા મળ્યો છે. જ્યારે મુંબઈમાં ભાવમાં સૌથી વધુ 173 રૂપિયાનો વધારો થયો હતો. નિષ્ણાતોનું માનીએ તો આગામી દિવસોમાં કોમર્શિયલ ગેસ સિલિન્ડર અને ઘરેલું ગેસ સિલિન્ડરની કિંમતોમાં ઘટાડો થઈ શકે છે.
