રોજના ફક્ત ₹50 બચાવો અને મેળવો 35 લાખ! પોસ્ટ ઓફિસની શાનદાર સ્કીમ વિશે જાણી લેજો
ભારતમાં મોટાભાગના લોકો સુરક્ષિત અને લાંબા ગાળે ફાયદો આપતી યોજનાઓમાં રોકાણ કરવાનું પસંદ કરે છે. શેરબજાર કે મ્યુચ્યુઅલ ફંડ જેવા વિકલ્પોમાં જોખમ વધારે હોય છે, પરંતુ પોસ્ટ ઓફિસ દ્વારા ચલાવવામાં આવતી યોજનાઓમાં તમને ગેરંટીકૃત અને સ્થિર વળતર મળે છે. આવી જ એક બહુ જ લોકપ્રિય યોજના છે ગ્રામ સુરક્ષા યોજના, જેમાં તમે ખૂબ ઓછા પૈસા દરરોજ બચાવીને ભવિષ્યમાં લાખો રૂપિયાનું ભંડોળ તૈયાર કરી શકો છો.
ગ્રામ સુરક્ષા યોજના શું છે ?
આ યોજના રુરલ પોસ્ટલ લાઇફ ઇન્સ્યોરન્સ (RPLI) હેઠળ આવે છે. એ ખાસ કરીને એવા લોકો માટે છે, જે ઓછા જોખમ સાથે લાંબા ગાળે સુરક્ષિત રકમ બચાવવા માંગે છે. 19 થી 55 વર્ષની ઉંમરવાળા કોઈપણ ભારતીય નાગરિક આ યોજનામાં જોડાઈ શકે છે.
આ યોજનામાં તમે 10,000 થી 10 લાખ રૂપિયા સુધીનું સમ એશ્યોર્ડ પસંદ કરી શકો છો, અને પ્રીમિયમ તમે માસિક, ત્રિમાસિક, અર્ધવાર્ષિક અથવા વાર્ષિક રીતે ચૂકવી શકો છો.
કેવી રીતે 50 રૂપિયા દૈનિકમાં બનશો લખપતિ ?
જો તમે 19 વર્ષની ઉંમરે આ યોજના શરૂ કરો છો, તો 55 વર્ષની ઉંમર સુધી તમારે દર મહિને લગભગ ₹1500 પ્રીમિયમ ભરવું પડશે.
આનો અર્થ— દૈનિક માત્ર ₹50
આ રીતે લાંબા ગાળે તમે 80 વર્ષની ઉંમર સુધી પહોંચો ત્યારે પોસ્ટ ઓફિસ તમને આશરે 35 લાખ રૂપિયા ચૂકવે છે. એટલે કે નાના અને નિયમિત રોકાણથી તમે તમારી નિવૃત્તિ માટે ખુબ મોટું સિક્યોર ફંડ બનાવી શકો છો. જો પોલિસીધારકનું 80 વર્ષની ઉંમર પહેલાં અવસાન થાય, તો આખી રકમ family ના નોમિનીને મળે છે.
યોજનામાં જોડાવા માટે શું કરવું ?
નજીકની પોસ્ટ ઓફિસમાં જઈને જરૂરી દસ્તાવેજો સાથે ફોર્મ સબમિટ કરો:
આધાર કાર્ડ
પાન કાર્ડ
સરનામું પુરાવો
ઉંમરનો પુરાવો
ફોટો
