Indian Railway: કેરળના એર્નાકુલમ ડિસ્ટ્રિક્ટ કન્ઝ્યુમર ડિસ્પ્યુટ્સ રિડ્રેસલ કમિશને સધર્ન રેલવેને ટ્રેન મોડી થવાના કિસ્સામાં મુસાફરને રૂ. 60,000 ચૂકવવાનો આદેશ આપ્યો છે. અલેપ્પી એક્સપ્રેસ 13 કલાક મોડી ચાલવાને કારણે પેસેન્જર ચેન્નાઈમાં તેની કંપનીની મીટિંગમાં પહોંચી શક્યા ન હતા. જેના કારણે તેને ઘણી નિરાશા અને નુકશાન સહન કરવું પડ્યું. ઉપભોક્તા પંચે કહ્યું કે મુસાફરોના સમયનું મહત્વ નિર્વિવાદ છે. ટ્રેન મોડી થવાને કારણે થતા નુકસાન માટે રેલવે જવાબદાર છે.
કાર્તિક નામના વ્યક્તિએ 6 મે 2018ના રોજ અલેપ્પી એક્સપ્રેસમાં ચેન્નાઈ જવા માટે ટિકિટ બુક કરાવી હતી. કાર્તિકને તેની કંપનીની મહત્વની મીટીંગમાં ભાગ લેવાનો હતો. તે નિર્ધારિત સમયે રેલવે સ્ટેશન પર પહોંચી ગયો. પરંતુ ટ્રેન સમયસર પહોંચી ન હતી.અલેપ્પી એક્સપ્રેસ 13 કલાક મોડી હતી. ટ્રેન મોડી થવાને કારણે કાર્તિક કંપનીની મહત્વની બેઠકમાં હાજર રહી શક્યો ન હતો. તેની તેની કારકિર્દી પર વિપરીત અસર પડી
રેલવે સામે કેસ દાખલ
કાર્તિકે એર્નાકુલમ ડિસ્ટ્રિક્ટ કન્ઝ્યુમર ડિસ્પ્યુટ્સ રિડ્રેસલ કમિશનમાં રેલ્વે પાસેથી તેની ખોટ વસૂલવા માટે કેસ દાખલ કર્યો અને રેલ્વે પાસેથી વળતરની માંગ કરી. કાર્તિકે કહ્યું કે રેલ્વેએ ટ્રેન મોડી હોવા અંગે સમયસર માહિતી આપી ન હતી અને ટ્રેન મોડી પડે તો વૈકલ્પિક વ્યવસ્થા પણ કરી ન હતી. આ સેવામાં બેદરકારીનો મામલો છે. રેલવેએ પોતાના બચાવમાં દલીલ કરી હતી કે મુસાફરે તેની મુસાફરીના હેતુ વિશે રેલવેને જાણ કરી ન હતી. જો મુસાફરે રેલવેને જાણ કરી હોત તો તેઓએ જરૂરી સાવચેતી રાખી હોત.
ઉપભોક્તા પંચે રેલવેની આ દલીલને ફગાવી દીધી અને કહ્યું કે મુસાફરોના સમયનું મહત્વ નિર્વિવાદ છે. 13 કલાકનો વિલંબ અને પેસેન્જર સાથે યોગ્ય માહિતી શેર ન કરવી એ 'સેવામાં નિષ્ફળતા' સમાન છે. વિસ્તૃત વિલંબ અને તેના પરિણામો માટે રેલવે જવાબદાર છે. તેથી તે મુસાફર દ્વારા થયેલા નુકસાનની ભરપાઈ કરવા માટે જવાબદાર છે.
60,000 આપવાનો આદેશ
કન્ઝ્યુમર ડિસ્પ્યુટ રિડ્રેસલ કમિશને રેલવેને મુસાફરને વળતર તરીકે રૂ. 50,000 અને મુકદ્દમા ખર્ચ તરીકે રૂ. 10,000 ચૂકવવાનો આદેશ આપ્યો હતો.
