આ સ્કીમમાં દર વર્ષે 1 લાખ રૂપિયાનું રોકાણ કરીને ભૂલી જાવ, સરકારી ગેરંટી સાથે બની જશો કરોડપતિ
લોકો સારું વળતર મેળવવાના હેતુથી રોકાણ કરે છે. જો તમે કોઈપણ જોખમ વિના રોકાણ કરવા માંગો છો, તો પબ્લિક પ્રોવિડન્ટ ફંડ વધુ સારો વિકલ્પ સાબિત થઈ શકે છે. સરકારની આ યોજનામાં રોકાણ કરીને રોકાણકારો કરોડપતિ પણ બની શકે છે. આ સરકારી ગેરંટી સ્કીમ છે.
પીપીએફમાં રોકાણ કરીને તમે કરોડપતિ બની શકો છો
જો તમે દર વર્ષે પબ્લિક પ્રોવિડન્ટ ફંડમાં એક લાખ રૂપિયાનું રોકાણ કરો છો, તો તમે ચોક્કસ સમય પછી કરોડપતિ બની શકો છો. આ યોજના 15 વર્ષમાં પરિપક્વ થાય છે. જો તમે ઇચ્છો તો, તમે આ સરકારી યોજનામાં એક લાખ રૂપિયા જમા કરાવી શકો છો અથવા દર મહિને 8,334 રૂપિયાનું રોકાણ કરી શકો છો.
PPFમાં કેટલું વ્યાજ મળે છે
હાલમાં, સરકાર PPFમાં રોકાણ પર 7.1 ટકા વ્યાજ આપી રહી છે.
અમારા WhatsApp ગ્રૂપમાં જોડાવા અહીં ક્લિક કરો
જાણો એક લાખ રૂપિયાનું રોકાણ કરીને તમે કેવી રીતે બની શકો છો કરોડપતિ
જો તમે દર વર્ષે PPF ખાતામાં એક લાખ રૂપિયાનું રોકાણ કરો છો, તો તમારે 15 વર્ષ પૂરા થયા પછી યોજનામાં રોકાણ લંબાવવું પડશે. કોઈપણ રોકાણકાર એક સમયે રોકાણને 5 વર્ષ સુધી લંબાવી શકે છે. રોકાણકારોને તેમના રોકાણને ત્રણ વખત લંબાવવાનો વિકલ્પ મળે છે. એટલે કે તમારે તમારું રોકાણ 30 વર્ષ સુધી ચાલુ રાખવું પડશે.
ત્રીસ વર્ષમાં કેટલું રોકાણ થશે?
ત્રીસ વર્ષમાં રોકાણકારો કુલ રૂ. 30,00,000 લાખ જમા કરશે. જેમાં 7.1 ટકાના વ્યાજ દર મુજબ તમને અંદાજે રૂ. 73,00,600નું વ્યાજ મળશે. એટલે કે ત્રીસ વર્ષ પછી, રોકાણકારોને PPF સ્કીમમાં રોકાણ કરીને 1,03,00,600 રૂપિયાનું ફંડ મળશે.
જો તમે તમારા PPF ખાતાને પાકતી મુદત પછી એટલે કે 15 વર્ષ પછી વધારવા માંગો છો, તો તમે તેના માટે પોસ્ટ ઓફિસ અથવા બેંકમાં જઈને અરજી કરી શકો છો. તમારે પરિપક્વતાની તારીખથી 1 વર્ષ પૂર્ણ થાય તે પહેલાં અરજી કરવી પડશે
