SBIની આ સ્કીમે કેટલાય લોકોને કર્યા માલામાલ, આટલા દિવસો બાકી, તમે કર્યું રોકાણ??
દેશની સૌથી મોટી સરકારી બેંક, સ્ટેટ બેંક ઓફ ઈન્ડિયા (SBI) તેના ગ્રાહકોને ઓછા સમયમાં ઉત્તમ વળતર મેળવવાની તક આપી રહી છે. SBI બેંકે તાજેતરમાં અમૃત વૃષ્ટિ યોજના શરૂ કરી છે.
આ મર્યાદિત સમયગાળાની ફિક્સ ડિપોઝિટ સ્કીમ 16 જુલાઈ 2024ના રોજ શરૂ કરવામાં આવી હતી. રોકાણકારો આ યોજનામાં 31 માર્ચ 2025 સુધી રોકાણ કરી શકે છે. આ યોજનાનો હેતુ ગ્રાહકોને સ્પર્ધાત્મક વ્યાજ દરે વળતર આપવાનો છે.
SBI અમૃત વૃષ્ટિ યોજના શું છે?
આ એક ફિક્સ ડિપોઝિટ સ્કીમ છે, જેનો કાર્યકાળ 444 દિવસનો છે. આ યોજના હેઠળ સામાન્ય ગ્રાહકોને વાર્ષિક 7.25 ટકાના દરે અને વરિષ્ઠ નાગરિકોને 7.75 ટકાના દરે વ્યાજ મળશે. સ્થાનિક અને બિન-નિવાસી ભારતીયો (એનઆરઆઈ) બંને આ યોજનાનો લાભ મેળવી શકે છે.
SBI અમૃત દ્રષ્ટિ યોજનાના નિયમો અને શરતો
3 કરોડથી ઓછી રકમની ઘરેલું રિટેલ ફિક્સ્ડ ડિપોઝિટ (NRI ફિક્સ ડિપોઝિટ સહિત)
નવી થાપણો અને હાલની થાપણોના નવીકરણ પર લાગુ.
આ સ્કીમ ફિક્સ ડિપોઝિટ અને સ્પેશિયલ ફિક્સ ડિપોઝિટ પર લાગુ થઈ શકે છે.
આ રિકરિંગ ડિપોઝિટ, ટેક્સ સેવિંગ ડિપોઝિટ, એન્યુઇટી ડિપોઝિટ અને મલ્ટિ-ઑપ્શન ડિપોઝિટ પર લાગુ થશે નહીં.
અમૃત વૃષ્ટિ યોજનાના લાભો
તમે આ સ્કીમમાં ઓછામાં ઓછા 1,000 રૂપિયાનું રોકાણ કરી શકો છો. મહત્તમ રોકાણ પર કોઈ મર્યાદા નથી.
તમને વ્યાજ ક્યારે અને કેવી રીતે મળશે?
ફિક્સ્ડ ડિપોઝિટ- વ્યાજ માસિક, ત્રિમાસિક અથવા અર્ધવાર્ષિક ચૂકવવામાં આવે છે.
આ સ્કીમમાં કેવી રીતે રોકાણ કરવું?
તમે SBI શાખા દ્વારા અથવા Yono SBI અને Yono Lite મોબાઇલ એપ્લિકેશન દ્વારા રોકાણ કરી શકો છો.
તમે SBI ઈન્ટરનેટ બેન્કિંગ (INB) દ્વારા પણ રોકાણ કરી શકો છો.
જો તમે 444 દિવસનો સમયગાળો પસંદ કરો છો, તો બેંક આપમેળે આ યોજનાનો અમલ કરશે.
