SBI R-GDS Scheme: સામાન્ય રીતે દેશમાં લોકો બેંકોમાં પૈસા જમા કરીને વ્યાજ કમાય છે. આ માટે લોકો પાસે બચત યોજનાના ઘણા વિકલ્પો ઉપલબ્ધ છે. પરંતુ શું તમે જાણો છો કે સોનું બેંકમાં જમા કરાવવા પર પણ વ્યાજ મળે છે. મોટાભાગના લોકો સલામતી માટે બેંક લોકરમાં સોનું રાખે છે અથવા તેને ગીરવે મૂકીને લોન લે છે. ઘણા લોકો કદાચ જાણતા નથી કે સોનું જમા કરીને વ્યાજ પણ મેળવી શકાય છે.
બેંક ઓફ બરોડામાં માત્ર 100 રૂપિયામાં ખોલો આ સ્પેશિયલ ખાતું, ઊંચું વ્યાજ અને મફતમાં મળશે આટલી સુવિધા
દેશની સૌથી મોટી સરકારી બેંક SBI તેના ગ્રાહકોને ખાસ સ્કીમ દ્વારા સોનું જમા કરાવવા પર વ્યાજ આપે છે. SBIની ખાસ સ્કીમમાં ફિક્સ ડિપોઝીટની જેમ સોનું જમા કરાવી શકાય છે અને તેના પર વ્યાજ પણ મળે છે.
R-GDS સ્કીમ શું છે?
સ્ટેટ બેંક ઓફ ઈન્ડિયાની R-GDS એટલે કે SBI સુધારેલી ગોલ્ડ ડિપોઝિટ સ્કીમ. આ સ્કીમ એક પ્રકારની ગોલ્ડ FD સ્કીમ છે, જેમાં ગ્રાહક R-GDS હેઠળ ઘરે રાખેલ સોનું જમા કરાવી શકે છે. ખાસ વાત એ છે કે તેમાં સુરક્ષાની સાથે વ્યાજ પણ મળે છે.
દિવાળી પહેલા પોસ્ટ ઓફિસની આ સ્કીમમાં માત્ર 1000 રૂપિયાનું રોકાણ કરો, ધાર્યા બહારનો મોટો ફાયદો મળશે
SBIના R-GDSમાં 3 અલગ-અલગ સમયગાળામાં સોનું જમા કરાવી શકાય છે. તેમાં ટૂંકા ગાળાની બેંક થાપણો (1-3 વર્ષ), મધ્યમ ગાળાની સરકારી થાપણો (5-7 વર્ષ) અને લાંબા ગાળાની સરકારી થાપણો (12-15 વર્ષ)નો સમાવેશ થાય છે. આ યોજના હેઠળ, લઘુત્તમ 10 ગ્રામ સોનું જમા કરાવી શકાય છે જ્યારે તેની કોઈ મહત્તમ મર્યાદા નથી.
નીતા અંબાણીએ 3000 વંચિત બાળકો સાથે 60મો જન્મદિવસ ઉજવ્યો, ભોજન પીરસ્યું, રાશન પણ આપ્યું
SBIની R-GDS સ્કીમમાં 1 વર્ષના સમયગાળા માટે વાર્ષિક 0.50% વ્યાજ મળે છે. 1 થી 2 વર્ષના સમયગાળા માટે 0.55% અને 2 થી 3 વર્ષના સમયગાળા માટે 0.60% વ્યાજ મળે છે. જ્યારે મધ્યમ ગાળાની સરકારી થાપણમાં વ્યાજ દર વાર્ષિક 2.25% છે જ્યારે લાંબા ગાળાની સરકારી થાપણમાં વ્યાજ દર 2.50% છે.
આ સ્કીમની બીજી એક ખાસ વાત એ છે કે તેમાં મળતું વ્યાજ ગ્રાહક દર વર્ષે અથવા એકસાથે લઈ શકે છે. તમે સ્ટેટ બેંક ઓફ ઈન્ડિયાની કોઈપણ નજીકની શાખામાં જઈને R-GDS યોજના માટે અરજી કરી શકો છો.
