Solar Related Scheme: 1 ફેબ્રુઆરીએ વચગાળાનું બજેટ રજૂ કરતી વખતે નાણામંત્રી નિર્મલા સીતારમણે મફત વીજળી માટે સૌર યોજનાની જાહેરાત કરી હતી. હવે આ યોજના હેઠળ વડાપ્રધાન નરેન્દ્ર મોદીએ પોર્ટલ લોન્ચ કર્યું છે. તેનું નામ છે- પીએમ સૂર્ય ઘર: મફત વીજળી યોજના. વડાપ્રધાન નરેન્દ્ર મોદીએ આ યોજના અંગે વિસ્તૃત માહિતી આપી છે.
5000 રૂપિયા પર મળશે 55,000નું વ્યાજ, SBIની સ્કીમમાં લોકો દોડી દોડીને કરી રહ્યા છે રોકાણ
આ નવી યોજના વિશે માહિતી આપતા વડાપ્રધાન નરેન્દ્ર મોદીએ તેમના સોશિયલ મીડિયા એકાઉન્ટ પર પોસ્ટ કર્યું - 75,000 કરોડ રૂપિયાથી વધુના રોકાણ સાથેની આ યોજનાનો ઉદ્દેશ્ય દર મહિને 300 યુનિટ સુધી મફત વીજળી આપીને 1 કરોડ ઘરોને પ્રકાશિત કરવાનો છે. પીએમ મોદીએ વધુમાં કહ્યું કે આ યોજના હેઠળ સબસિડીથી લઈને ભારે કન્સેશનલ બેંક લોન સુધી બધું જ આપવામાં આવશે.
સરકાર સુનિશ્ચિત કરશે કે લોકો પર ખર્ચનો બોજ ન પડે. તમામ હિતધારકોને રાષ્ટ્રીય ઓનલાઈન પોર્ટલ સાથે જોડવામાં આવશે જે વધુ સુવિધા તરીકે સેવા આપશે. પીએમ મોદીએ કહ્યું કે હું તમામ રહેણાંક ગ્રાહકો, ખાસ કરીને યુવાનોને pmsuryagarh.gov.in પર અરજી કરીને પીએમ - સૂર્ય ઘર: મફત વીજળી યોજનામાં જોડાવા વિનંતી કરું છું.
ખેડૂતોને મળી રહ્યો છે આટલી બધી યોજનાનો લાભ, અહીં જાણો દરેક વિશે વિગતે, માલામાલ થઈ જશો
આ યોજના હેઠળ એક કરોડથી વધુ પરિવારોને લાભ મળશે. આ અંતર્ગત લાભાર્થી પરિવારને દર મહિને 300 યુનિટ સુધી મફત વીજળી મળશે. તમને જણાવી દઈએ કે જો ઘરોની છત પર સોલર પેનલ લગાવવામાં આવે છે તો સરકાર 60% સુધી સબસિડી આપશે. આ યોજનાનો ખર્ચ આશરે 75,000 કરોડ રૂપિયા રહેવાની ધારણા છે. આ યોજના માત્ર વીજળીના બિલમાં ઘટાડો કરશે એટલું જ નહીં પરંતુ ઊર્જા સુરક્ષા, પ્રદૂષણમાં ઘટાડો અને રોજગાર નિર્માણમાં પણ મદદ કરશે.
સૌથી પહેલા તમારે https://pmsuryaghar.gov.in/ પોર્ટલની મુલાકાત લેવાની રહેશે. તમારે અહીં નોંધણી કરાવવી પડશે. આ માટે તમારે તમારી રાજ્ય અને વીજળી વિતરણ કંપની પસંદ કરવી પડશે. આ પછી વીજળી ગ્રાહક નંબર, મોબાઇલ નંબર અને ઇમેઇલ વિશેની માહિતી આપવાની રહેશે.
આ પછી તમારે કન્ઝ્યુમર નંબર અને મોબાઈલ નંબરથી લોગઈન કરવું પડશે. લોગિન કર્યા પછી, રૂફટોપ સોલાર ફોર્મ દ્વારા અરજી આપવાની રહેશે.
ડિસ્કોમ તરફથી સંભવિતતાની મંજૂરીની રાહ જુઓ. જો તમને સંભવિતતાની મંજૂરી મળે, તો તમે તમારા ડિસ્કોમમાં કોઈપણ રજિસ્ટર્ડ વિક્રેતાઓ પાસેથી પ્લાન્ટ ઇન્સ્ટોલ કરી શકો છો.
એકવાર ઇન્સ્ટોલેશન પૂર્ણ થઈ જાય, પછી પ્લાન્ટની વિગતો સબમિટ કરો અને નેટ મીટર માટે અરજી કરો.
લગ્નની સિઝન વચ્ચે જ સારા સમાચાર, સોના-ચાંદીના ભાવ થયા ધડામ, હવે એક તોલું ખાલી આટલામાં આવી જશે
નેટ મીટરનું ઈન્સ્ટોલેશન અને ડિસ્કોમ દ્વારા ચકાસણી કર્યા પછી, પોર્ટલ પરથી કમિશનિંગ પ્રમાણપત્ર જનરેટ કરવામાં આવશે.
કમિશનિંગ રિપોર્ટ પ્રાપ્ત કર્યા પછી પોર્ટલ દ્વારા બેંક ખાતાની વિગતો અને રદ કરાયેલ ચેક સબમિટ કરો. આ પછી તમારી સબસિડી 30 દિવસની અંદર તમારા બેંક ખાતામાં પ્રાપ્ત થશે.
